Qazaqstan Respýblıkasy Investısııalar jáne damý mınıstrliginiń buıryǵy №453

  2016 jylǵy 31 mamyr , Astana qalasy «Qazaqstan Respýblıkasy Investısııalar jáne damý mınıstrliginiń Aeroǵarysh komıteti týraly erejeni bekitý týraly» Qazaqstan Respýblıkasy Investısııalar jáne damý mınıstriniń mindetin atqarýshynyń 2014 jylǵy 17 qazandaǵy № 77 buıryǵyna ózgerister men tolyqtyrýlar engizý týraly «Quqyqtyq aktiler týraly» 2016 jylǵy 6 sáýirdegi Qazaqstan Respýblıkasynyń Zańy 50-babynyń 2-tarmaǵyna sáıkes buıyramyn: 1. «Qazaqstan Respýblıkasy Investısııalar jáne damý mınıstrliginiń Aeroǵarysh komıteti týraly erejeni bekitý týraly» Qazaqstan Respýblıkasy Investısııalar jáne damý mınıstriniń mindetin atqarýshynyń 2014 jylǵy 17 qazandaǵy № 77 buıryǵyna (Normatıvtik quqyqtyq aktilerdi memlekettik tirkeý tiziliminde № 9829 bolyp tirkelgen, 2014 jylǵy 17 qarashadaǵy «Ádilet» aqparattyq-quqyqtyq júıesinde jarııalanǵan) mynadaı ózgerister men tolyqtyrýlar engizilsin: kórsetilgen buıryqpen bekitilgen Qazaqstan Respýblıkasy Investısııalar jáne damý mınıstrliginiń Aeroǵarysh komıteti týraly erejede: 14-tarmaqta: 8) tarmaqsha alyp tastalsyn; mynadaı mazmundaǵy 9-1) tarmaqshamen tolyqtyrylsyn: «9-1) ǵarysh ınfraqurylym obektilerin qurýǵa, paıdalanýǵa jáne damytýǵa shyǵyndar normatıvterin ázirleıdi;»; 21) jáne 22) tarmaqshalar mynadaı redaksııada jazylsyn: «21) Qazaqstan Respýblıkasynyń Qorǵanys mınıstrligimen birlesip, Jerdi qashyqtyqtan zondtaý ǵarysh júıesi ulttyq operatorynyń ǵarysh túsirilimderin josparlaý, Jerdi ǵaryshtan qashyqtyqtan zondtaý derekterin alý, óńdeý jáne taratý tártibin ázirleıdi; 22) Qazaqstan Respýblıkasynyń Qorǵanys mınıstrligimen birlesip, dáldigi joǵary spýtnıktik navıgasııa júıesi ulttyq operatorynyń spýtnıktik navıgasııalyq qyzmetterdi uıymdastyrý jáne usyný tártibin ázirleıdi;»; mynadaı mazmundaǵy 37-1), 37-2) tarmaqshalarmen tolyqtyrylsyn: «37-1) sý obektileriniń memlekettik monıtorıngin sý qoryn paıdalaný jáne qorǵaý, sýmen jabdyqtaý, sý burý salasyndaǵy, qorshaǵan ortany qorǵaý salasyndaǵy, halyqtyń sanıtarııalyq-epıdemıologııalyq salaýattylyǵy salasyndaǵy ýákiletti organdarmen birlesip júzege asyrady; 37-2) «Baıqońyr» kesheniniń zymyran-ǵarysh qyzmetiniń áserine ushyraıtyn aýmaqtarda qorshaǵan ortanyń jaı-kúıin baqylaý júıesiniń jumys isteýin uıymdastyrady;». 2. Qazaqstan Respýblıkasy Investısııalar jáne damý mınıstrliginiń Aeroǵarysh komıteti (E.M.Shaımaǵambetov): 1) osy buıryqtyń kóshirmesin baspa jáne elektrondyq túrde merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa, Qazaqstan Respýblıkasy normatıvtik quqyqtyq aktileriniń etalondyq baqylaý bankine engizý úshin Respýblıkalyq quqyqtyq aqparat ortalyǵyna jiberýdi; 2) osy buıryqty Qazaqstan Respýblıkasy Investısııalar jáne damý mınıstrliginiń ınternet-resýrsynda jáne memlekettik organdardyń ıntranet-portalynda ornalastyrýdy qamtamasyz etsin. 3. Osy buıryqtyń oryndalýyn baqylaý jetekshilik etetin Qazaqstan Respýblıkasynyń Investısııalar jáne damý vıse-mınıstrine júktelsin. 4. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasynyń Investısııalar jáne damý mınıstri Á.ISEKEShEV