«Otyrarda» ǵasyrlyq kitap caqtalýda

Shymkenttegi «Otyrar» kitap­hanasy rýhanı jádigerlerdiń orta­lyǵyna aınalyp keledi. Kitap­qumar qaýym úıindegi qundy toptamalardy jalǵyz ózi tutynǵannan búkil halyqqa tartý jasaýdyń saýapty is ekendigin biledi. Osydan attaı 100 jyl buryn uly Abaıdyń jaryq kórgen ki­ta­byn kitaphanaǵa Sholpan Tólegenqyzy atty ustaz tapsyrǵan eken. Uly Abaı – aqyn ǵana emes, ultymyzdyń ary men uıaty. Er­te­rekte «Qazaqstan mektebi» jýr­­na­lynda jaýapty jumys jasaǵan Ulyqpan Asylov degen aǵamyz dúnıejúzindegi eń myqty aqyl­mandardyń sózin jı­naqtap, kitap etip bastyryp júrer edi. «Solardyń ishine Abaıdy qosar aldynda uly tulǵamyzdy alasartyp almaımyn ba degen qorqynysh boldy. Abaı­dy qatarǵa qosyp kórdik. Dú­nıejúziniń ulylarynyń ishinde bizdiń Abaıy­myz biz bilgennen irilene tústi. Son­daǵy qýanǵanymyz-aı» degen. Álemniń oıshyldarymen te­rezesi teń kemeńgerimizdiń 100 ja­saǵan kitaby «Otyrar» kitap­hanasynda sırek qoljazbalar bó­liminde saq­taýly. Kitaphana qyzmetkerleri ony keleshek ur­paqtyń ıgiligi úshin elektrondyq nusqasyn jasaǵan, orys tiline aýdarǵan. Búgingideı jahandaný ómirinde ǵalamtordan kózin aýdarmaıtyndar kitapty eskiliktiń sarqynshaǵy kórýi múmkin. Alaıda, ǵalamtordan shar­sha­ǵandardyń aldy bilim bulaǵy – ki­tapqa oralyp keledi. Sonyń bir aıǵaǵy «Otyrar» kitaphanasyndaǵy kitapqu­mar­lar­dyń qatary jyl ótken saıyn molaıyp kele jatqandyǵy. Jastar kóp. «Ǵylym tappaı maq­tanba» deıtin uly Abyz ósıeti jastardyń ómirlik maqsat-muratynyń bastaýyna osylaı qyzmet etip jatyr. Baqtııar TAIJAN, «Egemen Qazaqstan» Ońtústik Qazaqstan oblysy