Osydan úsh jyl buryn Almatyda Qazaqstan teńiz floty úshin álemdik deńgeıdegi kásibı mamandar daıarlaýǵa ruqsat retinde úsh ret qatarynan dástúrli keme qońyraýy soǵylǵan-dy.
Endi mine, Almaty qalasynda 4 jyldyq oqý baǵdarlamasyn támamdap, bakalavr dárejesin alǵan Qazaqstan teńiz akademııasynyń alǵashqy 16 kadetine dıplom tapsyrý saltanatty rásimi ótti. Rásimge elimizdiń memlekettik organdary, oqý oryndary, «Teńizshevroıl» jaýapkershiligi shekteýli seriktestigi aksıonerleri, múddeli taraptar jáne BAQ ókilderi qatysty.
Qazaqstan teńiz akademııasy 2012 jyly Qazaqstan Prezıdentiniń tapsyrmasy boıynsha teńizdegi munaıgaz ken alańdaryn ıgerýdi qoldaý jáne dástúrli munaıgaz sektorynan tys Qazaqstan azamattaryn jumyspen qamtý maqsatynda qurylǵan.
Qazaqstan teńiz akademııasy «Teńizshevroıl» jaýapkershiligi shekteýli seriktestiginiń tikeleı qoldaýymen qurylyp, oǵan Qazaq-Brıtan tehnıkalyq ýnıversıteti seriktes boldy. Qazaqstan teńiz akademııasynyń halyqaralyq seriktestigine teńiz bilimi salasyndaǵy konglomerat – STC-Group (Nıderland) kompanııasy shaqyryldy. «Shevron Shıppıng» kompanııasy kadetterdiń halyqaralyq deńgeıdegi zamanaýı kemelerde tájirıbeden ótýine kásibı turǵyda qoldaý kórsetip, tájirıbe sabaqtaryn uıymdastyrdy. Sonymen qatar, akademııanyń alty túlegin taǵylymger retinde qabyldady.
«Teńizshevroıl» kásiporny atynan akademııa túlekterin oqýdy bitirýimen quttyqtaımyn! О́z boılaryńdaǵy maqsatkerliktiń, Qazaqstan Respýblıkasy Úkimeti men seriktesterimizdiń qoldaýy arqasynda sizder teńiz tasymaly salasynda halyqaralyq turǵyda moıyndalǵan qazaqstandyq maman bolasyzdar, – dedi bas dırektorynyń mindetin atqarýshy Imer Bonner.
Qazirgi tańda 84 kadet Qazaqstan teńiz akademııasynda bilim alýda.
«Qazaqstan teńiz akademııasy men úshin jańa ómir ashty, ol – teńiz ómiri», – dep atap ótti Qazaqstan teńiz akademııasynyń kadeti Araılym Bekova.
«Teńizshevroıl» Investısııalar jáne damý mınıstrligine teńizshilerdi daıarlaý, attestasııadan ótkizý jáne vahtalyq ádisti engizý týraly halyqaralyq konvensııa talaptary men sharttaryna saı ekendigin dáleldeý sharalary boıynsha kómek berýdi jalǵastyryp keledi. Bul Qazaqstan teńizshilerine Qazaqstan Respýblıkasynyń aýmaqtyq sýlarynan tys saparlarǵa da shyǵýǵa múmkindik beredi.
Aınash ESALI
