Mereke aıasyndaǵy mereıli sát

Vashıngtonda Astana kúni jáne Qazaqstan men AQSh dıplomatııalyq qatynastarynyń 25 jyldyǵy atap ótildi Astana kúni merekesiniń qar­sańynda Vashıngton qalasynda dástúrli qazaq taǵamdaryn daıyndaý boıynsha sheberlik-sa­baǵy ótkizildi. Is-sharaǵa saıası jáne saraptamalyq toptardyń, «Qazaqstan dostary klýbynyń» ókilderi jáne qazaq dıasporasy qatysty. Qazaq ulttyq taǵamdary AQSh qaýymdastyǵynyń erekshe qyzy­ǵýshylyǵyn týdyrdy. Vashıng­tondaǵy is-sharada qonaqtarǵa dástúrli qazaq mázirinen taǵam daıyndaý usynyldy. Qonaqtar aljapqyshtaryn tartyp, qazaq taǵamdaryn daıyndaý áýesqoılyǵymen áıgili Edlow International Company (EIC) korporasııasynyń basshysy Djek Edloýtııanyń jasaǵandaryn qaıtalady. Elshilik qyzmetkerleri men dıaspora ókilderi qonaqtarǵa kómektesip, nan ıleý­ge qatysty. Osydan keıin qonaqtar óz qolymen jasaǵan taǵamdarynyń dámin tatýǵa shaqyryldy. Qazaqstannyń AQSh-taǵy elshisi Qaırat Omarov merekelik dastarqan úshin sebepterdiń jetkilikti ekenin aıtty. Ol Qazaqstannyń BUU Qaýipsizdik Keńesiniń quramyna kirgenine erekshe toqtalyp, bul kásibı merekesi 2 shildede atalyp ótken qazaqstandyq dıplomatııa tarıhyndaǵy úlken jetistikterdiń biri ekenine nazar aýdardy. Elshi qonaqtardy AQSh-tyń aldaǵy Táýelsizdik kúnimen quttyqtap, bıyl Qazaqstannyń táýelsizdik alǵanyna 25 jyl tolatynyn jáne AQSh-pen dıplomatııalyq qatynastar ornaǵanyna da shırek ǵasyr bolatynyn aıtyp ótti. Ol, sonymen qatar, 6 shildede atalyp ótetin Astana kúnine toqtalyp, bıyl elorda óziniń 17 jyldyǵyn toılaıtynyn kóldeneń tartty. Jınalǵandardyń nazaryna «Qazaqstan – Uly Dala eli» zamanaýı mobıldi qosymshasy usynyldy. Elshilik qonaqtary qazaq taǵam­darymen jaqyn tanysýǵa múm­kindik berilgeni úshin alǵy­syn bildirip, Qazaqstan halqy men memleket bas­shylyǵyn táýelsizdiktiń 25 jyly ishindegi jetistikterimen jáne aldaǵy merekelermen quttyqtady. «Egemen-aqparat»