Qymbatty qazaqstandyqtar!

Qazaqstan hal­qy Assam­b­leıa­­sy sizderdi Astana kú­ni­men shyn jú­rekten quttyq­taı­dy! El táýel­siz­di­giniń tarıhynda aı­qyn­dalǵan bul mereke – elordamyzdyń bas sáýletshisi, Qazaqstan Respýblıkasynyń Prezı­denti, Elbasymyz Nursultan Ábishuly Nazarbaevtyń asa mańyzdy strategııalyq jobalarynyń biri. Astana kúni merekesi qazaq­stan­dyqtardyń júreginiń tórinen oryn alatyn erekshe kún. Biz  elimizdiń táýelsizdik jyldarynda,  kúndelikti, tynymsyz eńbegimen shyqqan eń bıik belesteri men qol jetkizgen jarqyn tabystaryn Astana atymen baılanystyramyz. Táýelsizdik pen Astana – biz úshin eki qasıetti uǵym, halqymyzdyń maqtanyshy men jetistigi. Nursultan Ábishuly Nazarbaev aıtqandaı, «onyń jańa kó­she­lerinde, alańdarynda, saıabaqtary men ǵajaıyp sáýlet týyndylarynda bizdiń táýelsizdigimizdiń uly tarıhy aı­nadaǵydaı beınelengen». Táýelsizdik pen Astananyń bir-birinen ajyraǵysyz da tereń baılanysy Qazaqstan halqy Assambleıasynyń 2016 jylǵy sáýir aıynda ótken XXIV sessııasynda qabyldanǵan «Máńgilik El» Patrıottyq aktisinde kórinis tapty. Astana – «Máńgilik El» ulttyq ıdeıasynyń jarqyn sımvoly, bolashaǵy bir eldiń astanasy. Táýelsizdiktiń  25 jyldyǵyn toı­laǵaly otyrǵan Qazaqstan halqy úshin Astana halyqtyń armanyndaǵy qaladan naqty jetistigi men jeńisi bar órkenıetti qalaǵa aınaldy. Astanada barsha eldiń úmiti men armandary júzege asady, ol elimiz­diń damý qarqynynyń kórsetkishi. Astana qazaq­standyq joldyń bıik stan­darttaryn aıqyndaıdy. Osynaý mereke kúni Qazaqstan halqy As­sam­bleıasy árbir otbasyna baq pen bereke, birlik pen tatýlyq, eldiń eńseli elordasyna órkendeý tileıdi! Jas astanamyz júregimizdegi jańa­rýdyń, Qazaqstan halqynyń bolashaqqa degen nyq senimi men taýsylmas jasampaz kúshiniń sımvoly bolsyn! Biz seni aıalaımyz, Astana! Qazaqstan halqy Assambleıasynyń Keńesi