Qostanaı oblysynda aýdan, qala ákimderi aýysty

Qostanaı oblysynyń ákimi Arhımed Muhambetovtyń ókimimen birneshe aýdan men qala ákimi taǵaıyndaldy. Aldymen oblys ortalyǵynyń irgesindegi Qostanaı aýdanyna jańa ákim bolyp Qaırat Ahmetov taǵaıyndaldy. Ol ákim bolǵan Fedorov aýdanyna osyǵan deıin Qostanaı aýdanyn basqarǵan Táýba Isabaev jiberildi. Oblys ákimi Arhımed Muhambetov: «Qaırat Ahmetov Fedorov aýdany ekonomıkasy men áleýmettik salasynyń kórkeıýine kóp jumys jasady. Mol tájirıbeli ákim oblystaǵy eń iri Qostanaı aýdanynyń tizginin ustaıdy. Qostanaı aýdanynda iri kásiporyndar salynýy tıis, memlekettik iri baǵdarlamalar júzege asyrylatyn bolady» dedi. Munan keıin Áýlıekól aýdanynyń ákimi bolyp Jansultan Taýkenov taǵaıyndaldy. Ol osyǵan deıin Amangeldi aýdanyn basqarǵan bolatyn. Al oblys ákimi Amangeldi aýdanynyń aktıvine jańa ákim etip Nurjan О́tegenovty tanystyrdy.  Ol buryn Fedorov aýdany ákiminiń orynbasary bolyp qyzmet atqardy. Arhımed Begejanuly jańa ákimge shalǵaı aýdanda shaǵyn jáne orta bıznesti damytýdy, turǵyndar arasynda shaǵyn nesıe tıimdiligin túsindirýdi tapsyrdy. Arqalyq qalasyna da jańa ákim taǵaıyndaldy. Buryn Áýlıekól aýdanynda ákim bolǵan Amantaı Balǵarın endi Arqalyq qalasyn basqaratyn boldy. Ony arqalyqtyqtarǵa tanystyrǵan óńir basshysy monoqalanyń ereksheligine qaraı, onda óndiris oryndaryn ashýdy, onyń aınalasynda mindetti túrde shaǵyn kásiporyndardy damytýdy tapsyrdy. Sonymen birge Arqalyq qalasyn qysqy mezgilge daıyndaý barysy ylǵı da nazarda bolýy kerektigin aıtty. Názıra JÁRIMBETOVA