Qarqaraly qushaq jaıdy

Elimizdiń BAQ ókilderi tabıǵat aıasynda demalyp qaıtty Baılanys jáne aqparat qyzmetkerleri kúni merekesiniń qarsańynda elimizdiń birqatar BAQ ókilderi Qaraǵandy oblysyndaǵy tamsandyrǵan tabıǵaty bar Qarqaralyda       dem­alyp qaıtty. Bul ıgi sharany Qazaqstan Respýblıkasy Bilim jáne ǵylym mınıstrligi uıymdastyrǵan edi. Qarqaraly topyraǵynda eli­mizdiń BAQ ókilderin bir kezde Elbasy  Nursultan Ábishuly Nazarbaev bilim alǵan Qaraǵandy memlekettik tehnıkalyq ýnı­versıtetiniń rektory A.Ǵa­za­lıev bastaǵan qyzmetkerler qarsy alyp, bilim ordasynyń sol jerdegi «Polıtehnık» oqý-saýyq­tyrý ortalyǵyna ornalas­tyrdy. QarMTÝ rektory jýrnalısterge arnaıy qonaqasy berip, elimizdegi bilim salasynda júrgizilip jatqan jańa reformalar týraly tushymdy áńgime órbitti. Jýrnalıster qaýymy dema­lys­tyń alǵashqy kúni Qarqa­ralydaǵy Qunanbaı qajy sal­dyrǵan meshitte quran baǵyshtaý rásimine qatysyp, odan keıin áı­gili «Shaıtankólge» baryp, ta­bı­­ǵat tamashasyn óz kózderimen kórdi. Eki kúnge ulasqan demalys sapary barysynda BAQ ókil­deri Mádı Bápıuly, Qasym Aman­jolov, Nurken Ábdirov, Toqtar Áýbákirov, Martbek Mamyraev syndy aqyn­dar men batyrlar shyqqan kıeli topyraqtyń tarıhymen tanysyp, rýhanııatymen tynystady.Qarqaralydaǵy tarıhı oryndarda, atap aıtqanda, Abaı Qunanbaıuly eki aıdan astam aıaldaǵan kópes Bekmetovtiń úıinde, Qunanbaı qajy sal­dyrǵan meshitte jáne basqa da tarıhı oryndarda bolyp, qundy jádigerlermen tanysty. Sondaı-aq, olar Qarqaralydaǵy Ulttyq tabıǵı parkte bolyp, ol jerdegi asa sırek kezdesetin ań-qustardy tamashalady. Eki kúndik demalys barysynda jýrnalıster qaýymy esten ketpes áser alyp, sharany uıym­dastyrýshylarǵa dán rıza bolyp, tabıǵaty ýyljyǵan Qarqaralyny qımaı attandy. «Aldaǵy ýaqytta da BAQ ókil­­derin elimizdiń ózge de óńir­le­rine demalys saparyna aparyp turýdy josparlaýdamyz», – dedi mınıstrliktiń PR keńesshisi Maı­rash Taıkenova. Qaırat ÁBILDINOV, «Egemen Qazaqstan» Qaraǵandy oblysy