Qazaqstan TMD elderi arasynda kósh bastaýda

Qazaqstan jelilik daıyndyq ındeksi boıynsha 139 eldiń arasynda 39-shy orynda. 2016 jylǵy 6 shildede Dú­nıe­júzilik ekonomıkalyq forým (DEF) álemniń túrli elderin­degi jelilik daıyndyq ındek­sin anyqtaý boıynsha zertteý nátıjesi kór­setilgen jyl saı­yn­ǵy «Aqparat­tyq tehnologııalardy damytý boıynsha jahandyq esepti» jarııalady. Bıylǵy jyly álem elderi kórsetkishterdiń tórt kategorııasy boıynsha baǵalandy:

1. Tehnologııalardy qurý men paıdalaný úshin jalpy orta;
2. AKT-ınfraqurylymdardyń qoljetimdiligi turǵysynan jelilik ázirlik;
3. Jańa tehnologııalardy úkimettiń, jeke sektordyń jáne jeke tulǵalardyń paıdalanýy;
4. Jańa tehnologııalardyń ekonomıkalyq jáne áleýmettik yqpaly.

О́tken jylmen salystyrǵanda kósh basyndaǵy úshtik – Sıngapýr, Fınlıandııa, Shvesııa ózgergen joq. Qazaqstan TMD elderi ara­synda kóshbasshy orynǵa tu­raqtap, óńirlik reıtıngti bas­tap tur. «AKT salasyndaǵy zańnamany damytý» kórsetkishi boıyn­sha Qa­zaqstan 2015 jylǵy kórset­kishten (48 oryn) 10-orynǵa joǵarylap, 2016 jyly 38-orynǵa turaqtady. «Mektepterde ınternetke qol­jetimdilik» kórsetkishi boıynsha elimiz bir jyl ishinde 15-deńgeıge kóterilip, 41-shi orynǵa jetti. «Bıznesti ashý úshin qa­jet­ti ýaqyt» jáne «Bıznesti bas­taý­ǵa qajetti prosedýralar sany» kórsetkishteri boıynsha Qa­zaq­stan álem elderiniń alǵashqy otyz­dyǵyna enedi. Bul rette biz bir jyl ishinde kórsetkishterimizdi eki esege arttyryp, qazirgi ýaqytta sáıkesinshe 26 jáne 22-oryndarǵa jettik. «Egemen-aqparat»