Shıfer emes... cherepısa!

Elimizdegi eń iri megapolıstiń irgesinde ornalasqandyqtan bolar Ile aýdanyndaǵy óndiris oryndarynda búginde eńbektiń qara qazany qaınap-aq jatyr. Tapsyrys mol. Tek qurylys qa­jettilikterin óteıtin óndi­ristiń biri ǵana byltyrǵy jyly memleketke 512 mln. teńgeden astam salyq tólep, bıýdjet qorjynyn toltyrýǵa qomaqty úles qosa bildi. Sheteldik ınvestor­lar basshylyq etetin osy «STYNERGY» JShS ústi bolat­pen juqalap jabylǵan ónim shy­ǵarady. Turǵyn úılerdiń tóbe­lerin jabýǵa arnalǵan qurylys materıaldary – cherepısa san alýan túspen, ártúrli kólemmen shyǵarylyp satylady. «Bıyl biz qazaqstandyq rynok­qa basa nazar aýdaryp, jan-jaqty saraptama júr­gize otyryp, zańnama sheńber­indegi jumysymyzdy júıeli túr­de jalǵastyrýdamyz. Kom­panııamyzdyń Almaty, Temirtaý, Qaraǵandy qalalarynda óndiristik keshenderi bar. Jalpy 272 adam turaqty jumyspen qam­tylsa, 42 azamat kelisim-shartpen eńbek etedi. Eńbekaqy qory byltyr 451 mln. teńgege jetip, kom­pa­nııa­nyń jyldyq aınalymy 10-13 mlrd. teńgeni qurady», dedi «STYNERGY» JShS dırektorlar ke­ńe­siniń tóraǵasy Halder Tapas. Negizi bul óndiris orny 2005 jyly metall ónimderin satý kásiporny retinde qurylǵan. Búginde elimizdegi iri óndiris ornyna aınalyp, qazaqstandyq rynokta metall ónimderin shyǵaryp satý boıynsha 18-22 % úleske ıe bolyp otyrǵan jaıy bar. Barlyq ónimderi ISO 9001-2009 sapa standartyna sáıkes óndiriledi. Almaty qalasy men oblysynyń shekarasynda 1,8 gektar jerdi ıelenip ári temirjol tuıyǵyn da sol jerge engizip otyr. Shıkizatty Qaraǵandy metallýrgııa kombınatynan oramdalǵan bolat túrinde ákelip balqytyp cherepısa shyǵarýda. Sonymen qatar, úsh qabatty sendvıch-panel dep tizbelenetin 12 túrli ónim taǵy bar. Árqaısysy ózindik tartymdylyǵymen nazar aýdartady. Onyń ózi bul qurylys ma­terıalynyń qandaı da bir qajet­tilikti óteıtindigin bildiredi. Nurbol ÁLDIBAEV, «Egemen Qazaqstan» Almaty oblysy, Ile aýdany