Avtobýstar

Semeıde qurastyrylyp, О́skemende júıtkıdi   О́skemen qalasynyń qoǵamdyq jolaýshylar tasymaldaýshylary ózderiniń avtobýs parkterin jańartýdy qolǵa aldy. Búginde «Rost» JShS – 8, «VoSca» JShS 4 avtobýs satyp aldy. Qala kóshelerinde qyzmet kórsetýge daıyn turǵan sý jańa kólikterdi aımaq basshysy Danıal Ahmetov qarap shyǵyp, bastalǵan jumysqa oń baǵa berdi. Atap aıtqanda, «Rost» JShS Semeı qalasynda shyǵarylatyn «Daewoo» markaly jalpy syıymdylyǵy 60 oryndyq segiz avtobýs satyp aldy. Atalǵan otandyq avtobýstar №44 qalalyq baǵytta qyzmet kórsetpek. Jalpy, 2018 jylǵa deıin oblys ortalyǵynyń jolaýshy tasymalymen shuǵyldanatyn kompanııalary 100 avtobýs satyp alýdy josparlap otyr. Avtobýs parkteriniń jyljyma­ly quramyn jańartý jumys­­tary О́skemen, Semeı qala­lary­nyń jolaýshy tasymaly kom­panııalarymen jasaǵan memo­randýmdarynyń negizinde jú­zege asyrylýda. Kelisim negi­zin­de О́skemen qalasynyń 10 kásip­orny men Semeı qalasynyń 4 kásiporny aldaǵy eki-úsh jylda jyljymaly quramdy jańartýdy kózdep otyr. Jergilikti atqarýshy organdarmen jasalǵan memorandým aıasynda 7 jylǵa deıin qoldanysta bol­ǵan avtobýstardyń 50 paıyzy ja­ńartylýy tıis. Dál osy mól­sherde 7 jyldan 12 jylǵa deıin qol­da­nysta bolǵan avtobýstar da jańar­tylady. Al qoldanystaǵy ýaqyty 12 jyldan asqan avtobýstar qala ishinde jolaýshy tasymaldaýǵa shyǵarylmaıtyn bolady. Dýman ANASh, «Egemen Qazaqstan» О́SKEMEN