- Qazaqstanda jekeshelendirý aıasynda respýblıkalyq menshikten 19 nysan satyldy. 2014-2020 jyldarǵa arnalǵan satý kestesine sáıkes, 1005 nysandy satý josparlanǵan. Qazirgi ýaqytta is júzinde saýdaǵa 479 nysan shyǵaryldy, onyń 284-i satyldy.
- Elimizdiń kásiporyndary jylyna 40 myń tonnaǵa deıin tıtan oksıdin kedendik baj salyǵynsyz ımporttaı alady. Eýrazııalyq ekonomıkalyq komıssııa tarapynan belgilengen jumystyń jańa tártibi halyqaralyq kólik tasymaldaryn damytýǵa jáne nyǵaıtýǵa járdemdesýge baǵyttalǵan.
- Jyl basynan beri 500 mln. teńgege qazaqstandyq kásipkerlerdiń quqyqtary qorǵaldy. «Atameken» UKP kásipkerler quqyǵyn qorǵaý jáne ákimshilik kedergilerdi azaıtý bóliminiń sarapshysy Dýman Kerimbaevtyń aıtýynsha, osy aralyqta kásipkerlik sýbektilerden 338 aryz túsip, onyń 169-y ońtaıly sheshilgen.
- Astananyń jedel járdem dárigerleri ızraıldik áriptesteriniń tájirıbesimen tanysyp jatyr. Qalada jedel medısınalyq járdem jumysyn jetildirý úshin Magen Davıd Adom Izraıl ulttyq shuǵyl kómek kórsetý qyzmeti jetekshi mamandarynyń qatysýymen trenıngter ótýde.
- Ońtústik Qazaqstan oblysynda ındýstrııalandyrý kartasy aıasynda jylyna 360 myń sharshy metr polıetılen qubyryn shyǵaratyn zaýyt iske qosyldy. Atalǵan ındýstrııaly aımaqta búginde ýran óndirýshi kásiporyndarǵa arnalǵan qural-jabdyqtar shyǵaratyn zaýyt pen ıodtalǵan as tuzy kásiporny men metall qurastyrý syndy 3 joba jumys istep tur.
- Aqtóbelik taýar óndirýshiler azyq-túlikti tikeleı Almatyǵa jetkizetin bolady. Atalmysh jumys 86 taýar toptarynda ımportty qysqartý úshin jasalýda. Megapolıske jartylaı tutynylatyn syrlar, qus eti, shujyq ónimderi men maı ákelinedi.
- Jambyl oblysynyń kásipkerlerin jeńildikpen nesıelendirý úshin 500 mln. teńge bólindi. Qujat boıynsha oblys ákimshiligi men «Damý» qory aýyl sharýashylyǵy, óńdeý ónerkásibi, týrızm, óner jáne kóńil kóterý salasynda qyzmet kórsetetin shaǵyn jáne orta kásipkerlerge qoldaý kórsetedi.
- Batys Qazaqstan oblysynda sońǵy alty aıda múlikti zańdastyrýǵa 427 ótinish túsken. Osy aralyqta 2 mlrd. teńgeniń 292 nysany zańdastyryldy. Negizinen bul – turǵyn úı, sharýashylyq alańdary jáne kásipkerlik nysandar.
