Reseı kórmesinde tanystyryldy

Taıaýda EKSPO-2017 halyq­aralyq maman­dan­dy­­ryl­ǵan kórme­si­niń Komıs­sary Rápil Joshybaev Reseı Fede­ra­sııasy Indýstrııa jáne saýda mınıstri Geor­gıı Kalamanovtyń shaqy­rýymen Ekaterın­býrg qa­lasynda ót­ken jyl sa­ıyn­ǵy 7-shi ha­lyqaralyq «INNOPROM-2016» óner­­­ká­sip­­tik kórmesine qatysty. «INNOPROM-2016» 2010 jyl­dan bastap jyl saıyn ót­kiziletin eń iri ámbebap óner­kásiptik kórmesi bolyp tabylady. Aǵymdaǵy jyly kórmege 95 el­den 600-den astam kom­pa­nııa­nyń ókilderi qatysty, sondaı-aq, 40-qa jýyq kelisimge qol qoıyldy. Kórmeniń taqyryby «О́nerkásiptik jeliler», onyń ishinde «Qala tehnologııalary», «Energetıkalyq tehnologııa» jáne «Mashına jasaý tehnologııasy» sııaqty taqyrypshalarmen biriktirildi. «INNOPROM-2016» ashylý saltanatynda Reseı Federasııasynyń Premer-mınıstri Dmıtrıı Medvedev sóz sóıledi. Kórme aıasynda EKSPO-2017 kórmesiniń «Bolashaq energııa­sy» taqyryby boıynsha arnaıy paneldik sessııasy uıym­dasty­ryl­dy, oǵan reseılik mı­nıstr­l­ikter basshylary, energe­tıka, ınno­vasııa jáne jańa teh­nologııa­lar sala­syn­daǵy reseılik jáne shetel­dik iri kom­pa­nııa­lardyń ókil­deri qatysty. R.Joshybaev sessııada sóıle­gen sózinde «Bolashaq energııa­sy» taqyryby kezdeısoq tańdalma­ǵanyn atap ótti. Dástúrli energııa kóz­deriniń iri qorlarynyń bolýy­na qaramastan, Qazaqstan «Jasyl» ekonomıkaǵa kóshý tujyrym­dama­syn qabyldap, iske asyrýda. Bul tujyrymdamaǵa sáıkes 2050 jylǵa deıin eldiń jalpy energo­ba­lansynda jańǵyrmaly ener­gııa kózderiniń úlesin 50%-ǵa deıin ulǵaı­tý josparlanǵan. 2017 jyly EKSPO kórmesiniń uıy­m­das­tyrý­shylary álem nazaryn SO2 shy­ǵyndylaryn qysqartýyna, jańar­tylatyn energııa kózderiniń damýy men tıimdiligine aýdaratyn bolady. G.Kalamanov óz sózinde Parıj­de ótken Halyqaralyq kórme­ler bıýrosynyń 159-shy Bas assam­­­bleıasynyń sessııasynda Astananyń EKSPO-2017 kórme­sine daıyndyq barysy joǵary baǵaǵa ıe bolǵanyn atap ótti. Qazirgi ýaqytta Reseı qa­ty­sý úlgisin jáne taqy­ryptyq ba­ǵyt­­taryn daıyndaýda. Spıkerler kórmege daıyn­dyq barysyn joǵary baǵalap, kórme­de balamaly jáne jańǵyrmaly ener­gııa kózderi salasyndaǵy eń jańa­shyl, ınnovasııalyq jáne pers­pektıvaly jobalar usyny­latynyna senim bildirdi. Sondaı-aq, Astanada EKSPO-2017 ınfraqurylymy negizinde BUU aıasyndaǵy «jasyl» tehnolo­gııalar men ınvestısııalyq joba­lardy damytý jónindegi halyq­ara­lyq ortalyqtyń ashylýy týraly Qazaqstan Prezıdentiniń basta­masy erekshe atalyp ótti. Sessııa qorytyndysy boıynsha R.Joshybaevtyń EKSPO-2017 Re­seı seksııasy komıssarymen kez­­desýi ótti. Kezdesý barysynda Re­seı pavılonynyń mazmundyq tol­­ty­rylýy, kórme aıasynda Reseı Fe­­de­­ra­sııasynyń ulttyq kúni jáne reseılik týrısterdi Astana qa­la­sy­na tartý máseleleri tal­qy­landy. «Egemen-aqparat»