Nursultan NAZARBAEV: «...Men de sportshylarymyz úshin alańdadym»

Barshamyzdyń eljandy­lyǵy­myz­dy oıatyp, jankúıer ekendigimizdi sezindirip, jasóspirimderdi SPORT degen sıqyrly álemge je­teleýge sep bolyp jatqan Aq Azıada da aıaqtaldy. Keshe Al­ma­tyda Memleket basshysy Nur­sul­tan Nazarbaev 2011 jylǵy 7-shi Qysqy Azııa oıyndaryna qatysýshylarmen – qazaqstandyq sportshylarmen kezdesti. Dúnıeniń ár shartarabynda júr­­gen talaı sport dodalarynda jigerimiz jasyp, qaıratymyz qum­daı úgilgen kezderdiń de bol­ǵanyn um­ytpaǵan jón bolar. Bas­qasyn aıt­paǵanda, Elbasy 2004 jyly Afınadan oralǵan sport­shyla­ry­myz­dy qa­byldap turyp: «Afına Ol­ım­pıa­dasynan biz qorytyndy ja­sa­ýymyz kerek», degeni de keshe ǵana sııaqty edi. Al osydan jeti jyl buryn 7-shi Aq Azıadany ót­kizetinimizdi bildik pe? 70 birdeı júldeni Qa­zaqstan spor­tynyń omyraýyna taǵatynymyzdy boljadyq pa? Sol jyly Elbasy jeńimpaz­darǵa sporttyń aty – sport ekendigin aıtyp, onyń da qal­ta­rys­tary bolatyny jaıly, sport­shy­larymyzdyń qatelikteri týraly oı saraptaı kele: «...Qysqy olım­pıadalarǵa ázirlikti qyzý júr­gizý kerek. Sportshylardy daı­yndaý álsiz bolyp otyr. Ol­ım­pıada júldegerlerin daıyn­daý­ǵa árbir oblys úles qosýy qajet. Elimizde barlyq stadıondar qalpyna keltirilip jatyr. Sońǵy Olımpıadadan biz qory­tyndy jasaýymyz kerek. Sport agenttigi (ol kezde Sport agenttigi) qorytyndy ja­saýy kerek», degeni sol sátke kýá bolǵan bizdiń qulaǵymyzda kúmbir­lep turǵan­daı bolatyn. Endi, mine, araǵa sanaýly jyl­dar ǵana salyp, Elbasynyń sol tapsyrmasy, dittegen maqsa­ty aqıqatqa aınaldy! Táýel­siz­digimiz tuǵyrlanyp, tarıh óziniń jańa betterin ashýda. Qazaq­stan­nyń, qazaq halqynyń jańa dáýiri bastaldy. Bul sybaǵaly úles qazaq sportyna da tıesili ekendigin tórtkúl dúnıe tanyp keledi. Osylaısha 7-shi Qysqy Azııa oıyndarynda kúsh-qýattaryn ǵa­na emes, halqymyzdyń namysyn da báıgege salyp, márege aby­roı­men kelgen sportshylarǵa Elbasy: – Komandalyq eseptegi jáne medaldar sany boıynsha mundaı jarqyn da úzdik jeńis bizde buǵan deıin eshqashan bolǵan emes. Bul qazaqstandyq sporttyń naǵyz sal­tanaty! Bul bizdiń elimizdiń sal­tanaty! Barsha elimiz bizdiń atletterimizge jankúıer boldy. Qazaq­standyqtarmen birge men de biz­diń sportshylarymyz úshin alań­da­dym. San ret shyrqalǵan memlekettik ánuranymyzdyń jeńisti áýenimen elimiz bolyp birge tol­qydyq. Bizdiń bárimiz de jeńisti kúttik, úmitimiz aqtalyp, tabysqa qol jetkizdik, – dedi Elbasy sportshylarǵa. Prezıdent sondaı-aq Azııa oı­yndary Olımpıadalyq oıyndar­dan keıingi ekinshi iri keshendi jarys bolyp tabylatynyn atap kórsetti. Buǵan deıin Qysqy Azııa oıyndaryn uıymdastyrýdy tek ekonomıkasy qýatty úsh memleket: Japonııa, Qytaı jáne Oń­tústik Koreıa ǵana qolǵa aldy. Endi olardyń qataryna Qazaqstan qosyldy. Azıadanyń qarsańynda kóptegen jańa biregeı sporttyq ǵımarattar salyndy. Qazaqstan kúlli álemge EQYU, ShYU, AО́SShK sammıtteri nemese din kóshbasshylary sezderi tárizdi iri halyqaralyq forýmdardy ót­kize alatynyn ǵana emes, sondaı-aq qatysýshylary men sport­shy­lary jaǵynan sany kóp, joǵary halyqaralyq deńgeıdegi sport­tyq oıyndardy da ótkize ala­tynyn kórsetti, dedi. – Halyqaralyq Olımpıada komıtetiniń tóraǵasy Jak Roggemen kezdesýim kezinde men 2022 jylǵy Qysqy Olımpııa oıyn­da­ryn Qazaqstanda ótkizý múmkin­digin talqyladym. Azıadany ta­bysty ótkizgennen keıin jáne biz­diń iri jeńisimizden soń Qazaq­stannyń múmkindigi arta túsedi dep senemin, – degen Memleket basshysy jarys dese delebesi qozar sportsúıer qaýymnyń úmi­tin úkileı tústi. Sheteldik qonaq­tar Azıadanyń joǵary deńgeıde ótkenine, olarǵa jyly shyraıly qabyldaýlar men qonaqjaılyq kór­setilgenine, qyzmet kórsetý deńgeıi joǵary bolǵanyna jáne qazaqstandyqtardyń mádenıetine tańdanys bildiristi. Olardyń es­inde Azıadanyń Astanadaǵy ashy­lý jáne Almatydaǵy jabylý sal­tanattary jaqsy saqtalyp qal­maq. Bul eki qalany endi Azııa qurlyǵyndaǵy jańa sporttyq astanalar, álemdik deńgeıdegi ja­rystar men qysqy sport túrleri boıynsha jattyǵý jıyndaryn ót­kizýdiń ortalyqtary dep ataýǵa quqymyz bar. Sporttyq áleýetke qol jetkizilýi elimizde buqaralyq sporttyń damý qarqynyn artty­rý­ǵa jáne bıik jetistikterge jetýge, Azıada jeńimpazdarynyń je­ńisti jolyn laıyqty jalǵas­tyratyn, Qazaqstanda sportshy­lardyń jańa tolqynyn tárbıe­leýge yqpal etetin bolady. Siz­derdiń basty eńbekterińiz – os­ynda. Jeńiske jetýge baryn sal­ǵan sportshylar, jattyqty­rý­shy­lar, komandanyń barlyq maman­darynyń eńbegi zor. Sizderdiń barlyǵyńyzdy 7-shi Qysqy Azııa oıyndaryndaǵy jeńispen taǵy da quttyqtaımyn! Mınıstr Dosmu­hamedov bastaǵan Qazaqstannyń Týrızm jáne sport mınıstr­li­gi­niń qyzmetkerlerine, Astana men Almaty qalalarynyń ákimderine óz alǵysymdy aıtamyn. Azıadaǵa qatysqan barlyq qazaqstandyq­tardyń úlesin baǵalamaý múmkin emes. Bizdiń sportshylar jeńdi. Qazaqstan sporty jeńdi. Elimiz jeńdi. Rahmet sizderge! Aq Azıadada el baıraǵyn bir kezde túsirmegen sport maıtal­mandary da sport shejiresindegi tarıhı sátte Memleket basshy­syna Qazaqstanda úlken sportty belsendi damytqany, biregeı sport­tyq nysandardyń qurylysy úshin, sondaı-aq rekordtar jasaýda jáne altyn medaldar jeńip alýda halyqaralyq sporttyq ja­rystarǵa qatysýǵa múmkindik tý­ǵyzǵany úshin shyn júrekten al­ǵystaryn aıtty. Aınash ESALI.