Kókshetaýda er kisi dosynyń kóligin alyp qashyp ketti

Kókshetaýda bir er kisi dosynyń kóligin ruqsatsyz minip, alyp ketip, jol-kólik oqıǵalaryna uryndy. Aqmola oblystyq ishki ister basqarmasy baspasóz qyzmetiniń habarlaýynsha, apatty oqıǵa Omby trassasynyń boıynda oryn alǵan. Oqıǵa ornyna kelgen polısııa qyzmetkerleri «VAZ-21012» kóligin júrgizýshiniń mas ekenin, mashınaǵa qatysty eshqandaı qujaty joqtyǵyn, tipti avtomobıl júrgizý jónindegi jáne jeke kýálikteriniń de bolmaı shyqqanyn anyqtady. Buǵan qosa, jol-kólik oqıǵasyn jasaǵan júrgizýshi kóliktiń egesi de bolmaı shyqty. Apat úshin aıypty adam tártip saqshylaryna sodan bir kún buryn óziniń Soltústik Qazaqstannan Kókshetaýǵa kelip, osyndaǵy tanysynyń úıine qonyp qalǵanyn, kezdeskenderi úshin ekeýiniń araq ishkenderin, al erteńine úı ıesiniń jumysqa ketip bara jatyp, jóndeý úshin kóliginiń kiltin tapsyryp ketkenin aıtyp berdi. Munyń ornyna ol mashınany alyp qashyp ketedi. «Omby trassasynyń boıynda ol «Wolkswagen Golf» kóligimen betpe-bet kelip soqtyǵysady. Baqyttaryna oraı, jol-kólik oqıǵasyna qatysýshylardyń eshqaısysy pánlendeı qatty zardap shekpegen. «VAZ-21012» avtomobıli jóndeýge kelmeıdi. Kúdiktige qatysty qylmystyq is qozǵaldy», - delingen habarlamada. Endi kólik alyp qashý osy úshin sot júzinde jaza tartýmen birge, qarsy soqqan kóligi men ózi aıdap qashqan mashınanyyń shyǵyndaryn óteıtin bolady. Baqbergen AMALBEK