Qyzyl deńgeıden sary deńgeıge aýystyryldy

Keshe Qazaqstan Respýblıkasy Antıterror ortalyǵy Almaty qalasy aýmaǵynda shekti (qyzyl) terrorıstik qaýiptilik deńgeıiniń engizilgendigi jóninde habardar etti. Buǵan belgisiz bireýdiń Almaly aýdandyq IIB jáne UQK departamenti ǵımarattaryna shabýyl jasaýy negiz bolǵan. Bul sheshimdi Ulttyq qaýipsizdik komıtetiniń tóraǵasy Qazaqstan Respýblıkasy Prezıdentiniń 2013 jylǵy 9 tamyzdaǵy №611 «Terrorızm aktisi qateriniń týyndaýy týraly aqparat monıtorınginiń jáne halyqty habardar etýdiń memlekettik júıesiniń uıymdastyrylýy men jumys isteý qaǵıdalaryn bekitý týraly» Jarlyǵy talaptaryna sáıkes qabyldaǵan, dep habarlady Antıterror ortalyǵynyń baspasóz qyzmeti. Qylmyskerler qolǵa tústi Keshe, ıaǵnı 18 shilde kúni tańer­teńgi saǵat 11 shamasynda Almaty qalalyq Ishki ister de­par­tamentiniń Almaly aýdandyq bas­qarmasy­na belgisiz bireý kir­mek­shi bolady. Biraq, bekette tur­ǵan polısııa qyzmetkeri onyń jolyn bógeıdi. Osy kezde ishke enbekshi bolǵan qylmysker bekette turǵan polısııa qyzmetkerin atyp jaraqattaǵan. Sodan soń ol ishki ister qyzmet­keri­niń qarýyn ıemdenip, oqıǵa ornynan boı tasalaǵan. Ile onyń artynan «Boran» patrýl­dik toby ilesedi. Biraq qyl­mys­ker óziniń izine túsken «Boran» patrýldik tobyna ózi beket­te jaraqattaǵan ishki ister qyz­met­keriniń qarýynan oq jaýdy­ra­dy. Osynyń sal­darynan eki qyz­metker jara­landy. Artyn­sha qarýly qaq­tyǵys kezinde qyl­mysker de jaralanyp, «Qazaq­konsert» ak­sıonerlik qo­ǵa­my­nyń mańynda qolǵa tústi. Ony quryq­taý bary­synda taǵy 2 po­lı­sııa qyz­met­keri jaraqat aldy. Qazirgi tańda qylmyskerdiń kim ekendigi anyqtaldy. О́kinishke oraı, ol ustalardan buryn bir qala turǵynynyń jeńil avtokóligin tartyp almaq bolǵan. Sonyń nátıjesinde júrgizýshi jaralanyp, qaza tapty. Sonymen qatar, jaraqat saldarynan úsh polısııa qyzmetkeri de kóz jumdy. Aldyn ala málimetter boıyn­sha, buryn sottalǵan 27 jas­taǵy Qyzyl­orda oblysy tur­ǵyny­nyń ótken aptadaǵy áıel adamnyń ólimine de qatysy bar kúdikti ekeni anyqtalyp otyr. Almaty qalasynda «Sırena» jedel jos­pary qurylyp, barlyq polı­sııa qyzmetkerleri ustalǵan qyl­mys­kerdiń sybaılasyn izdeýdi jalǵastyra berdi. Sonyń nátı­je­sinde Almaty qalasynyń Almaly aýdandyq ishki ister basqarmasyna kirgisi kelgen qylmyskerdiń qasyn­da bolǵan sybaılasy da anyq­t­alyp, kóp uzamaı qolǵa tústi. Endi onyń da osyndaı quqyq buzýshylyq áreketteri tekserilip jatyr. Al bekette turǵan polısııa qyzmetkeriniń urlanǵan qarýy «Qazaqkonsert» AQ mańynda qylmyskerdi ustaý barysynda tabyldy. Qazirgi tańda qaladaǵy jaǵdaı turaqty jáne quqyq qorǵaý organdarynyń jiti baqylaýynda tur. Al Almaty qala­synyń túrli aýmaǵynda atys boldy degen qaýeset shyndyqqa sáıkespeıdi, dep habarlady IIM baspasóz qyzmeti. Al keshke qaraı elimiz­diń Antı­terror ortalyǵy Al­maty qala­sy aýma­ǵynda kúni boıy júrgi­zil­gen ar­naıy opera­sııalar­dyń aıaq­tal­ǵan­dy­ǵyn jarııalady. Osyǵan oraı Ult­­tyq qaýipsizdik komıtetiniń she­­shi­­mimen Almaty qalasy men qa­la aýma­ǵyndaǵy terrorıstik qaýip­­­ti­lik jaǵdaıy «qyzyl» deń­­­geı­­den, «sary» deńgeıge aýy­s­­ty­­ryl­ǵan­dyǵy resmı túrde málim­deldi.