Tartý

Memleket jáne qoǵam qaıratkeri, tarıhshy, saıa­sat ǵylymdarynyń doktory Taıyr Mansurov jaqynda óziniń jeke toptamasyndaǵy «Búrkitshi» týyndysyn Ulttyq mýzeıge syıǵa tartty. «Ulttyq mýzeıge syı tartý» aksııasy aıasynda ótken sharaǵa Mádenıet jáne sport mınıstri Arystanbek Mu­hamedıuly qatysyp, biregeı jádigerdi usynýshy tulǵaǵa belsendiligi úshin alǵysyn bildirdi. – Taıyr Mansurov aǵamyz memlekettik qyzmettiń qaı salasynda júrse de óz isin óte jaqsy biletin, sonymen qatar tarıhı-mádenı muramyzdyń janashyry retinde keńinen tanymal. Al, onyń jeke kolleksııasynan shyqqan myna gravıýranyń qundylyǵy óte joǵary ári onyń Ulttyq mýzeıge syıǵa tar­tylýy qýan­tarlyq jaıt, – dedi A.Muha­medıuly. Taıyr Mansurov atalmysh aksııanyń mańyz­dylyǵyna toqtalyp, Ulttyq mýzeıdiń aldaǵy jumystaryna sáttilik tiledi. «Ulttyq mýzeıge syı tartý» aksııasy elimizdegi bi­regeı jobalardyń biri dep bilemin. Estip-kórip otyr­­ǵanymyzdaı, bir jyl ishinde 2 myńnan astam já­di­ger jı­naqtalypty. Sol ak­sııaǵa qosqan úlesimiz re­tinde osynaý kartınany tartý etkim keledi. «Búr­kitshi» dep atalatyn bul týyn­­dynyń tarıhy tym ári­de jatyr. Bul baılyq erek­she, qundy dúnıelerdiń qa­ta­ryna kiredi dep senemin ári Ulttyq mýzeıdiń alda­ǵy jumystaryna jemis tileı­min, – dedi T.Mansurov. Kartınada II Aleksandr   ulyqtaý rásimine (1855 jyl) ar­naıy shaqyrylǵan ań­shy qazaqtyń búrkitin túlkige salyp jatqan sáti beı­nelengen. Al onyń artynda saıatshylyqty qyzyqtap turǵan ımperator II Aleksandr  beınelengen. Aıta keteıik, Ulttyq ta­rı­hı-mádenı murany saq­tap qalý máselesine qoǵam nazaryn aýdartý maqsatynda eń alǵashqy aksııa 2015 jyly Astana qalasynan bastaý alǵan bolatyn. Oǵan belgili azamattar men kolleksıo­nerler, jalpy mádenıet janashyrlary aıtarlyqtaı úles qosqany málim. Izgilikti is munan keıin Almaty, Qy­zylorda, Aqtóbe, Shym­kent qalalarynda jal­ǵasyn taýyp, mýzeı qory qyrýar qazy­namen tolyqty. Qarshyǵa KÚLEN