1800

Atyraýda osynsha jasóspirim «V kontakte» jelisindegi sýısıdke ıtermeleıtin toptarǵa múshe bolǵan Búginginiń jasy da, kárisi de áleýmettik jelige telmiredi. Alaıda, keıbir áleýmettik jeli­lerde oń-solyn áli tanyp úlgermegen jasóspirimderdi óz-ózine qol salýǵa ıtermeleıtin toptardyń bary belgili. Máselen, «V kontakte» áleý­mettik jelisinde sýısıdti ashyq nasıhattaıtyn 22 top anyqtalǵan. Osyǵan oraı Atyraý qalalyq prokýratýrasy áleýmettik jeli­lerdegi sýısıd faktilerine úgit­teıtin toptarǵa monıtorıng júr­gizip keledi. Monıtorıng nátıjesinde 22 toptyń árqaısysynda on ekide bir gúli ashylmaǵan jasóspirimderdi sýısıdti jasaý áreketteri jáne darǵa asylý, tamyrlaryn kesý jáne t.b. foto túsirilimderi men ólimge ıtermeleıtin ma­qala­lardyń jarııalanatyny anyqtalǵan. Taldaý kórsetkendeı, anyqtalǵan toptardyń maqsaty jasóspirimder arasynda ómirge qushtarlyǵyn azaıtyp, sýısıdke ıtermeleý ekendigi de baıqaldy. Bir qynjyltar jaıt, Aty­raý oblysy boıynsha 1800 jas­óspirim maqsaty buzyq top­tarǵa múshe bolǵany jáne sol toptardaǵy maqalalardy óziniń jeke paraqshalaryna salyp, dos­tarymen bólisken derekteri anyqtalypty. Sol sebepten, monı­torıng qorytyndysyna súıengen prokýratýranyń bastamasymen jasóspirimder men basqa da tulǵalardyń atalǵan toptarǵa múshe bolýyn shekteý maqsatynda Aqparat jáne kommýnıkasııalar mınıstrligimen birlese otyryp tosqaýyldar qoıylýda. Joldasbek ShО́PEǴUL, «Egemen Qazaqstan» ATYRAÝ