Erevanda polısııa men sherýshiler qaqtyǵysyp jatyr

Shildeniń 20-sy kúni keshke Armenııanyń astanasy – Erevan qalasynyń Erebýnı aýdanyndaǵy patrýl-kúzet qyzmeti polki ǵımaratyna jaqyn mańda narazylyq sherýine shyǵýshylar men polısııanyń qaqtyǵysy bastaldy. EuroNews habaryna qaraǵanda, sherýshiler 20 maýsym kúni zańsyz qarý saqtady degen aıyppen qamaýǵa alynǵan oppozısııalyq baǵyttaǵy «Quryltaı parlamenti» ulttyq qozǵalysy men «Jańa Armenııa» uıymynyń lıderi Jıraır Sefılıandy túrmeden shyǵarýdy talap etken. Qaqtyǵys kezinde narazylar toby quqyq qorǵaýshylar jaqqa qaraı tas ata bastaǵan. Polıseıler buǵan jaýap retinde jaryq shashyp, shý shyǵaratyp granatalardjy paıdalanyp, aspanǵa qaraı oq atqan. Jaralanyp qalǵandardyń basym bóligi – arnaıy baǵyttaǵy áskerıler. Tártipsizdik barysynda 140 adam ustalyp, olardyń 16-sy qamaýǵa alyndy. Jappaı tártipsizdik oqıǵasyna baılanysty qylmystyq is qozǵaldy.

Atap ótýimiz kerek, polıseıler sherýshilerdi biraz jerge deıin tyqsyryp barǵan. Eske sala keteıik, oppozısıonerdi jaqtaýshylar patrýl-kúzet qyzmeti polkiniń ǵımaratyn 17 shilde kúni basyp alǵan bolatyn. Olardyń shabýyly barysynda bir polısııa qyzmetkeri qaza taýyp, tórt polıseı jaraqat alyp qaldy. Shabýyl jasaýshylar ózderi basyp alǵan ǵımarattyń ishinde tórt tártip saqshysyn áli kepildikte ustap otyr. Keshe armıan mádenıetiniń 27 qaıratkeri Jıraır Sefılıanǵa hat jazyp, onda óz jaqtastaryn qarýlaryn tastap, bılikke berilýge shaqyrýdy surady. Murat AITQOJA