Táńirdiń tartýy

Búginginiń jastary bir bala­nyń betine qarap otyratyn zaman­nyń ótkenin túsinedi. Dosaı bı Báıgelulynan qaldy degen dana­lyq sózdi quımaqulaqtaryna quıyp alǵan ba dersiń. Sheshen bala sany­na qatysty: «Bir balasy bar­dyń shyǵar-shyqpas jany bar. Eki balasy bardyń bolar-bolmas hali bar. Úsh balasy bardyń úsh rýly elde maly bar. Tórt balasy bardyń tórt qubylasy teń bolar. Bes balasy bardyń des ber­meı­tin jóni bar. Segiz balasy bar­dyń ser­geldeńge salar kóri bar. Toǵyz balasy bardyń tolǵandyrar joly bar. On balasy bardyń orda buzar qoly bar», degen emes pe? Qazir­gi jastardyń basym bóliginiń tórt qubylasy teń deýge bolady. Esh­kim­ge des bermeıtinderi de jet­kilik­ti. Orda buzar qoly barlar az shy­ǵar. Degenmen, oǵan da jetermiz. Jastardyń osyndaı nıetine qaraı Jaratqan da balany berip jatyr. Mysaly, jaqynda Qyzyl­orda qalasyndaǵy Ana men bala ortalyǵynda eki birdeı úshem dúnıege keldi. Bul naǵyz Táńirdiń tartýy emes pe?! «Qyzy­myz bar. Ul kútip júr edik. Alla taǵa­­la úsh birdeı uldy bere saldy», – dep rı­­­za­­­­­­shy­­lyǵyn bildirip otyr ot­basy ıe­­leri – Sal­­­­­tanat pen Káriboz. Nurasyl, Erasyl, Jan­­a­­syl atty úsh birdeı azamatty jaryq dú­­nıege ákelip, qýanyshy qoınyna syımaı otyr­­ǵan erli-zaıyptynyń kózinde ómirge degen úlken ińkárlik bar. Al Baıqońyr qalasynyń turǵy­ny Alashtyń aıymy bolardaı úsh qyzdy bosandy. Ámına, Álıma, Láıla atty kishkentaı perish­teler bir áýlettiń ǵana emes, tutas ulttyń maqtanyshy bola­dy ǵoı dep úmittenemiz. «Úsh qyz ýaqyt­­tan buryn ómirge keldi. Búginde olar dári­ger­lerdiń baqylaýynda. Qazir jaǵ­daı­lary jaqsy»,– deıdi Ana men bala ortalyǵynyń qyz­met­kerleri. «Bir qozy týsa, bir túp jýsan artyq shyǵady», deıdi halyq danalyǵy. Endeshe, ómirge kelgen úshemderdiń de nesibesi molynan bolsyn dep tileımiz. Nesibe demekshi, búginde Qazaq­stan halqy Assambleıasy «Aq oramal» atty aksııa uıymdastyryp jatyr. Osy aksııanyń sheńberinde oblystyq densaýlyq saqtaý bas­qar­masy úshemderge syı-sııapat jasady. «Qýanyshty bólisseń kóbeıedi», degen sóz osyndaı sátke ar­nalyp aıtylǵan shyǵar-aý. О́ıt­keni, bul bir shańyraqtyń ǵana emes, tutas halyqtyń qýanyshy bolsa kerek. Bul jyl basynan beri Qyzyl­orda oblysynda dúnıege kelgen úshinshi úshem­der. Al sońǵy alty aıda 8 963 náreste ómir­ge kelgen. Onyń 120-sy egizder. Olaı bolsa, ár shańyraqta besik toıy kóbeısin! Erjan BAITILES, «Egemen Qazaqstan» QYZYLORDA