Nesıemen kelgen nesibe

Memleket basshysy Ulttyq qordyń esebinen elimizdegi óńdeýshi ónerkásip salasyn qoldaýǵa arnaıy qarjy bólýdi Úkimetke tapsyrǵany belgili. Búginde elimizdegi 1 353 kásipkerge bul qarajat «Bıznestiń jol kartasy–2020» baǵdarlamasy sheńberinde qoljetimdi bolyp keledi. Memleket tarapynan jeńildetilgen nesıe alý arqyly ónimdiligin arttyrǵan taýar óndirýshiler qatarynda 126 astanalyq kásipker bar. «Damý» qorynyń kómegimen tasyn órge domalatqan kásiporyndardyń qyzmetimen jýyrda Astana qalalyq fılıalynyń mamandary jaqynyraq tanysyp shyqqan bolatyn. Sonyń biri – temir jáne aǵash buıymdar jasaý boıynsha ón­diristik sehty iske qosqan «Nur-Saba» JShS. 2008 jyly quryl­ǵan kompanııa bastapqyda 15 adam­men jumysyn júrgizgen edi. Kásiporyn dırektory Qaırat Esimbekov ýa­qyt óte kele naryqtaǵy suranysty óteý maq­satymen óndiris ornyn ke­­ńeıtip, jumysshylar sanyn arttyrýdy oılady. Alaıda, mundaı jo­ba qomaqty qarajatty qajet ete­tindikten, ony birden júzege asyrý múmkin emes edi. «Memlekettiń kómek qarjy­syn alý úshin qujat ótkizip, je­ńildetilgen nesıeni 5 jyl­dyq mer­zimmen aldyq. Bul qarjyǵa úsh qabatty shaǵyndaý ǵımarat alyp, onda reseılik úlgidegi jańa stanoktar ornattyq. Sonymen qatar, taǵy 25 adamdy jumysqa qa­byldap, olardyń qataryn 40-qa jetkizdik. Negizinen temir men aǵashtan ártúrli buıymdar ja­saıtyndyqtan, jekelegen tapsyrys­tardan bólek, memlekettik satyp alýlarǵa da qa­tysyp kelemiz. Bizdiń sheberlerdiń qolynan shyqqan dúnıege qy­zy­ǵýshylar kóp. Ásirese, úı nemese jekelegen bıznes nysandaryn salýshylar tapsyrysty molynan beredi», deıdi kásiporyn basshysy Q.Esimbekov. Al buryndary ekinshi deńgeıli bankterden joǵary paıyzben alynǵan nesıelerdi sýbsıdııalaýǵa arnalǵan taǵy bir memlekettik baǵdarlamanyń kómegin kórgen «Iýnı-Dent» tis emhanasy JShS 2007 jyly ashylǵan. Alǵash­qy kez­­deri stomatologııa salasynda jeńil-jelpi qyzmetter ǵana kór­setken emhana mamandary onyń aıasyn keńeıtýdiń jolyn izdeı bas­­taıdy. Árıne, ol úshin eń aldymen qosymsha qural-jabdyqtar qajet. Oǵan qosa seriktestik dı­­­­rek­tory Vıacheslav Orlov tis pro­tezin ózi jasap shyǵarýdy maq­sat tutady. Sol úshin ol bank­ten ne­sıe alady. Keıinnen baryp nesıeniń paıyzdyq ústeme­sin sýb­sıdııalaıtyn Úkimettiń jańa baǵdarlamasynan habardar bolǵan soń, «Damý» qorynyń Astana qalalyq fılıalynda osy oıyn júzege asyrady. «Árıne, ekinshi deńgeıli bank­ten alǵan nesıeniń paıyzy joǵary boldy. Biraq, meniń nesıelik tarıhym óte jaqsy bolǵandyqtan, qor qyzmetkerleri qajetti kómekti berýden aıanyp qalmady. Nátıjesin­de, alǵan nesıem 7 paıyzǵa deıin tó­mendep, aı saıynǵy tóleıtin qarajatymnyń kólemi azaıdy. Al azaıǵan qarjynyń esebinen Ger­manııadan 100 myń eýro turatyn qymbat qurylǵy satyp alý arqyly protez daıyndaıtyn laboratorııa­ny iske qostyq. Sonymen qatar, aý­maǵy 150 sharshy metrdi quraıtyn jańa meken-jaıǵa ornalastyq. Búginde tis protezin daıyndaýdyń sapasy artyp, baǵasy da tómendedi. Bul bizge naryqta básekege tótep berýimizge zor múmkindikter be­redi», dedi V.Orlov. Elordalyq kásip­ker­lerge qar­jylaı qoldaý kórse­tip, olardyń damýyna dem berip otyr­ǵan «Damý» qory Astana qala­lyq fılıalynyń bas menedjeri Zámza­­gúl Hamzına daǵdarystyń sal­qyny kásipkerlik salaǵa da tıgeni baıqalatyndy­ǵyn aıtady. Sondyqtan da Úki­met óńdeýshi ónerkásip salasyna meı­linshe qoldaý bildirip, ónim kólemi men jumys oryndaryn barynsha saqtap qalýǵa umtylyp jatqandyǵyn alǵa tartady. «Ásirese, memlekettiń mejelengen tapsyrmasy retinde bizdiń qor jańadan qurylyp, aıaq­tan tura almaı jatqan shaǵyn ká­sipkerlerge erekshe kóńil bólip keledi. Jalpy, Qazaqstan boıynsha óńdeýshi ónerkásip salasyn qoldaýǵa arnalǵan baǵdarlamamen búginge deıin 1 353 kásipker nesıe al­ǵan bolsa, onyń 126-y astanalyq bıznesmender bolyp tabylady. Olarǵa qor arqyly memlekettiń 30 834 mln. teńgesi berilgen. Al «Bız­­nestiń jol kartasy-2020» baǵ­darlamasy aıasynda elordalyq 34 kásipkermen 2 mlrd. 551 mln. teń­gelik sýbsıdııa kelisimshartyna qol qoıylǵan. Endi Ulttyq qor­dan bólingen bul qarajat kásip­oryndardyń keńeıýine jaqsy kómek bolýda», – dedi Z.Hamzına. Nurlybek DOSYBAI, «Egemen Qazaqstan» ASTANA