«Móldir sý»

óńirlik ekologııalyq aksııasyn jandandyrýǵa jastar qosyldy Al­maty qalasy ákimdiginiń tabıǵı resýrstar men tabıǵatty paıdalanýdy retteý basqarmasynyń qoldaýymen CarlsbergKazakhstan kompanııasy «Aǵash otyrǵyz» («PosadiDerevo.kz») respýblıkalyq qoǵamdyq birlestigimen birlese otyryp, «Móldir sý» óńirlik ekologııalyq aksııasynyń bastaý al­ǵandyǵyn habarlady. Bastama maqsaty belgili – Qazaqstan sýlarynyń eko­júıe­sin saqtaý, sonymen qatar, qaldyq­tardy bólshektep jınaý men qaıta óńdeý mádenıetin damytý. Kompanııa qyzmetkerleri jergilikti turǵyndardyń qatarynan shyqqan erik­tiler men qoǵamdyq uıymdardy osy bas­tamaǵa tarta otyryp, eldiń túrli óńir­lerinde túrli sý toǵandarynyń (ózen, kól, sý qoımalary) jaǵalaýynda or­nalasqan aýmaqtarda tazalaý jumys­taryn jalǵastyrmaq. Ár jolǵy aksııaǵa shamamen 250 adam qatysady dep boljanýda. Joba jyl aıaǵyna deıin jal­ǵasatyn bolady. Osy kúnderi Qazaqstannyń birneshe óńirlerin qamtýdy jáne 7 sý toǵanynyń (Almaty, Astana, Atyraý, Pavlodar, Qaraǵandy, О́skemen qalalary, Balqash kóli) jaǵalaýynda qoqys jınaý, sonymen qatar, keıbir óńirlerde qoqys jınaýǵa arnalǵan konteınerlerdi ornatý josparlanýda. Sonymen qatar, aksııaǵa qatysýshylar sol orynda qo­qystyń suryptalýyn júzege asyrady jáne qaldyqtardyń bóligi qaıtadan óńdelýi úshin mamandandyrylǵan uıymdarǵa tapsyrylatyn bolady. Alǵashqy «Móldir sý» aksııasy Almaty qalasynda Boraldaı kóliniń mańaıyn tazartýdan bastaldy. Birinshi kezekte bul iske jastar jumyldy. Uıymdastyrýshylar mundaı saýapty sharaǵa barlyq yqylas bildirýshiler qatysa alatyndyǵyn aıtady. Ol úshin aksııa týraly áleýmettik jelilerde aqparattyq naýqan júrgizilgeli otyr. Bul bastama jóninde Carlsberg Kazakhstan baılanys jónindegi mened­jeri Marııa Gorohova bylaı deıdi: «Biz Reseıdiń «Baltıka» kompanııasymen birneshe jyl qatarynan iske asyrylyp kele jatqan «7 kól» jobasyna uqsas aksııanyń ıdeıasyn kóp ýaqyt boıy oılas­tyryp júrdik. Mańyzdysy, aksııanyń bizdiń óndiris ornalasqan Almatymen ǵana shektelip qoımaı, Qazaqstannyń birneshe óńirlerin de qamtýy bolatyn. Osy joba aıasynda biz otandyq óndirýshilerdiń deńgeıinde sondaı-aq, ár qazaqstandyqtyń ekologııalyq derbes jaýapkershiliginiń deńgeıinde elimizde qoqysty bólshektep jınaý qajettiligine erekshe nazar aý­darǵymyz keledi. Bul elimizdiń «jasyl» ekonomıkaǵa aýysý baǵytyn eskere kele, asa qajet nárse. Bizdiń «Móldir sý» atty bastamamyz óńirlerden, jergilikti bılikterden, jergilikti turǵyndardan óz qoldaýyn tabady degen oıdamyz jáne jyl saıynǵy ekologııalyq dástúrge aınalady degen senimdemiz. О́z kezeginde, Carlsberg Kazakhstan uzaq merzimdi negizde osy jobany qoldaýdy josparlap otyr». Aınash ESALI, «Egemen Qazaqstan» ALMATY