Analaryna alıment tóleıtin boldy

Qartaıǵan ákesin, ne kári sheshesin qart­tar úıine tapsyrý, tipti olardyń úıin tar­typ alyp, óz­de­rin qańǵytyp ji­be­rý sekildi kó­ńilge qaıaý túsirer jaǵ­­daı­lar arakidik kó­ri­nip qalady. Budan bi­raz jyl buryn Kók­she­taýda zııaly qaýym ókili qartaıǵan áke­sin esi aýysqan dep jyn­dyhanaǵa kúshpen aparyp tastap ketkeni tý­raly aqparat qural­dary shetinen jarysa jazdy. Degenmen, ákesinen osylaı qu­tylmaq bolǵan álginiń oıy oryndalmaı, me­dısınalyq sarap­tama barysynda qarııa­nyń aqyl-esiniń durys­tyǵy anyqtalyp, jyndyhanadan shy­ǵaryldy. Ashýǵa be­rilgen qarııa osydan keıin týǵan balasyn sotqa berip, ar-ojdan shyǵynyn talap etkeni bar. Sumdyq emes pe! Ar-uıattan bezgen ba­lalarymen sottasqan mundaı oqı­ǵalar qazir de boı kórsetip qalýda. Taıaýda Eńbekshilder aýdandyq sotynda tórt balasy bar I top­taǵy múgedek qa­rııanyń shaǵymy boıynsha azamattyq is qaraldy. О́z otbastaryn qurǵan balalary qart anasyn taǵdyr tálkegine tastap, bas qamyn kúıttep ketken. Qant dıabetimen aýyratyn, oǵan qosa kórý qabileti nasharlaǵan qarııa azyn-aýlaq zeı­netaqysymen jan baǵý qıyndaǵan soń amalsyz sotqa shaǵymdanypty. Balalarynyń aldy 50-den assa, sońy qyryq­tyń qyrqasynda. Bári jumys isteıdi, tur­mystary jaman emes. Solaı bola tura qar­taıǵan ata-analaryna múl­­dem qaraspaıtyn bolǵan. Sonan, nesin aıtasyz, aýdan­dyq sottyń sheshimimen qarııanyń tórt balasy analaryna aı saıyn 5 eseptik kórsetkish kóleminde járdemaqy tólep otyratyn boldy. Baqbergen AMALBEK, «Egemen Qazaqstan» Aqmola oblysy