«Əziret Sultan» memlekettik tarıhı-mədenı qoryq-mýzeıiniń qyzmetkerleri «Jylaǵan ata keremeti» taqyrybynda tanymdyq ekskýrsııaǵa baryp qaıtty.
«Əziret Sultan» memlekettik tarıhı-mədenı qoryq-mýzeıiniń quramyndaǵy dinı-rýhanı eskertkishterdiń biregeıi Jylaǵan ata Túrkistan qalasynan soltústik-batysqa qaraı Qarataý bókteriniń jartasty shatqalynda ornalasqan. Bul jerge Qarashyq, Júınek, Qarnaq, Shert (Sert) eldi mekenderi arqyly barýǵa bolady. Úkasha atadan ári qaraı Qarataý arasymen birneshe shaqyrym kólikpen jetken soń shyń-quz arasyndaǵy soqpaqpen taǵy da úsh shaqyrym jerdi jaıaý júrýge týra keledi.
Mýzeı qyzmetkerlerimen birge saparlas bolyp ólketanýshy Túrkistan qalasynyń qurmetti azamaty, zeınetker ustaz Turǵanbaı Salǵaraev ta baryp, Jylaǵan ata jaıly kóptegen ańyz-áńgimelerimen bólisti. Túrli derekter talqylanyp, pikir almasýlar boldy.
Jylaǵan ata ornalasqan jeriniń ásem tabıǵaty men saf taza aýasy óte keremet, joldyń qıyndyǵynan ázirge kelýshiler legi kóbeıe qoımaǵan. Bolashaqta bul másele sheshilgennen keıin tek Qazaqstannan emes basqa da elderden kelýshiler sany artady degen boljam bar. Sapar sońynda mýzeı qyzmetkerleri óz rızashylyqtaryn bildirip, ǵajap keremettilikti barynsha kórip, tamasha rýhanı demalysty sezinip, Túrkistanǵa qaraı keri qaıtty.
Aıan ÁBDÝÁLI
