Batyl Bolat

Kúndiz de, túnde de qoǵamdyq tártiptiń buzylmaýyn jiti qadaǵalaıtyn polıseılerdiń qatarynda Bolat Dúısenov te bar. Onyń bul saladaǵy eń­bek ótili de az emes. Ishki ister de­partamenti tarapynan beri­letin shuǵyl da jedel tap­syr­malar­dy únemi tyń­ǵy­lyqty oryn­daıdy. Sondyqtan, bas­shy­lar ony jaýapty ister­di at­qarýǵa jumsaıdy. Ol jurt­pen tez til de tabysa biledi. Polıseıler úshin eń qajettisi – elimizdiń túrli zańdaryn da jetik biledi. Bolat Dúısenovtiń qazirgi sheni – polısııa podpolkovnıgi. Qazir ol jergilikti polısııa qyz­metinde eńbek etedi. Jańa­dan qurylǵan qurylym­nyń aǵa ınspektory, polısııa pod­polkovnıgi Bolat Dúısenov jaqynda Prezıdent Jar­lyǵymen «Erligi úshin» medali­men marapattaldy. Al bul marapat oǵan ne úshin berilip edi? ...О́tken jyldyń 30 sáýiri kúni polısııa podpolkovnıgi Bolat Dúısenov áriptesi Murat Demegenovpen kúndegishe túski as iship, jumys ornyna bet al­ǵan edi. Olar qyzmettik kóli­gi­men Jaıyq ózeniniń Azııa beti­ne baǵyt alǵan kezde tosyn oqıǵanyń kýási boldy. Kó­pir jaqtaýynan er adamnyń Jaıyq ózenine sekirgenin kóredi. Ony bireý ıterip jiberdi deýge de kelmeıdi. О́ıtkeni, ózenge sekir­gen adamnyń janynan eshkim kóz­ge shalynbady. Polı­seı­ler kólik­ti jedeldetip jaǵa­da­ǵy tu­raqqa qoıyp, óz­deri ózen­ge qa­raı júgirdi. Polı­­sııa pod­pol­kov­nıgi Bolat Dúısenov Jaıyq­qa tú­sip júze jóneldi. Árıne, kıim­men júzý ońaı bolmady. Maq­sat – sýdaǵy belgisiz adamdy qutqarý. Bala kúninen sýǵa júzýdiń qyr-syryn meńgergen polısııa podpolkovnıgine bul qıynǵa soqpady. Kóktemniń syzy áli qaıta qoımasa da áp-sátte ózen ortasynda sýǵa bir batyp, bir shyǵyp júrgen jandy ýy­syna tú­sir­di. Sóıtip, ony jaǵa­ǵa alyp shyqty. Qyzmettik kıi­mi­­nen Jaıyq ózeniniń muzdaı sýy sor­ǵalap, jaǵaǵa jetken­ge de­ıin áriptesi, polısııa podpol­kovnıgi Murat Deme­genov «jedel járdem» shaqy­ryp úlgerdi. «Jedel járdem» brı­ga­dasy jetkenshe sý­dan qut­­qaryl­ǵan er adamǵa alǵash­qy dáriger­lik kómekti de ózderi kórsetti. Keıinnen belgili bolǵan­daı, Jaıyq ózenine kópirden sekir­gen jigittiń jasy 32-de ekeni anyqtaldy. Jáne ony eshkim sýǵa sekirýge májbúr etpegen bolyp shyqty. Degenmen, orda buzar jastan endi ǵana asqan jigit júıkesi aýyratyndyqtan, arnaıy esepke alynypty. Onyń densaýlyǵyndaǵy osy kináraty sýǵa sekirýge sebep bolǵan sııaqty. Biraq, qoǵamdyq tártiptiń saqshylary kimdi bolsa da qorǵaýǵa, qutqarýǵa daıyn ekenin bildirdi. Ásirese, polısııa podpolkovnıgi Bolat Dúısenovtiń sýǵa batyp bara jatqan jandy qutqarýdaǵy batyldyǵy men jankeshtiligi eskerýsiz qalmady. Oblystyq ishki ister departamentiniń basshylyǵy ony memlekettik marapatqa usyndy. Jaqynda departament basshysynyń birinshi orynbasary, polısııa polkovnıgi Aıan Dúısembaev jeke quramnyń aldynda beıbit kúnniń batyry Bolat Dúısenovke «Erligi úshin» medalin tapsyrdy. Joldasbek ShО́PEǴUL, «Egemen Qazaqstan» Sýretti túsirgen Rahym QOILYBAEV ATYRAÝ