Batyr ananyń armany oryndaldy

Túrkistan qalasyndaǵy Iassy aýyldyq okrýgine qarasty Eńbekshi dıqan aýylynyń turǵyny, kóp balaly ana Azat Mustafaeva eńbek dese ózge dúnıeni umytatyn sharýaqor kisi. Ońtústikte maqta degen daqyl ósedi. Ot shashqan kún tóbeńnen tónip, jerdiń betindegi qybyrlaǵan jandardy tabaǵa salyp qýyryp jatqanda atyzda shabyq shaýyp, eńkeıip maqta terý qıynnyń qıyny. Kóp balaly batyr ana turmys taýqymetin jeńildetý úshin eńbek maıdanynda janyn aıamaǵan. Túrkistan qalasy boıynsha maqta terýden eki ret aldyna jan salmaǵan terimshi ana qala áki­mi Álipbek О́serbaevqa Astana qa­lasyna baryp, qydyrǵysy kele­tinin aıtqan eken. Jýyrda Álipbek О́serbaev Batyr anany arnaıy qabyldap, Astanaǵa bir apta qydyryp ba­rýdyń shyǵynyn kóteretindigin habarlady. «Men on bala ómirge ákelgen anamyn. Jas kezimde solardy ósi­rip, jetildiremiz dep syrt jaqqa qydyrý oıǵa kelmedi. Astana áıbat qala dep estigennen keıin bir kórgim kelip júr edi. Qarjy jetispegennen keıin amal joq qala ákimine aıttym. Álipbek baýyryma rahmet, sózinde turdy. Endi mine, baryp qaıtý bıleti, kerekti qarajat qolymda tur. Qasymda ekinshi ulym Aıdar bar». Eńbek ardageri rahmetin jaýdyr­ǵan qala ákimi: «Halqymyzda «jas kezimde beınet ber, qartaıǵanda zeınet ber» degen qanatty sóz bar. Bul kisiler elimizdiń baılyǵyn eseleýde qyrýar eńbek etti. Kómek suraýy zańdy. Eńbek ozattary qurmet kórýi tıis. Olarǵa meılinshe jaǵdaı jasaý jastarymyzǵa úlken tárbıe oshaǵy», deıdi. Osylaısha, jas kezinen beli búgilip maqta alqabynda júrgen eńbek ozaty qala ákiminiń qoldaýy­men Astanaǵa jol tartpaq. Baqtııar TAIJAN, «Egemen Qazaqstan» Ońtústik Qazaqstan oblysy