Ult rýhyn kótergen

Keshe Astanadaǵy Qazaqstan Qarýly Kúshteri Ulttyq áskerı-patrıottyq ortalyǵynda Halyq qaharmany, Keńes Odaǵynyń Batyry, avıasııa general-maıory, ǵaryshker Toqtar Áýbákirovtiń 70 jasqa tolýyna oraı merekelik shara ótti.   Qazaqtan shyqqan tuńǵysh ǵaryshker Toqtar Áýbákirovtiń mereıtoıyna arnalǵan jıyn­dy ashqan Qorǵanys mınıstri Imanǵalı Tas­maǵambetov birinshi kezekte Qazaqstan Res­­pýb­lıkasynyń Prezıdenti – Qarýly Kúsh­ter­diń Joǵarǵy Bas Qolbasshysy Nursultan Nazarbaevtyń mereıtoı ıesine arnaǵan quttyqtaý hatyn oqyp berdi. «Qurmetti Toqtar Ońǵarbaıuly, 70 jasqa tolǵan mereıtoıyńyz qutty bolsyn. Siz hal­qymyzdyń birtýar, maqtan tutar dańqty ul­da­rynyń birisiz. Jastaı qıyn da qaterli áskerı ushqysh mamandyǵyn meńgerip, boıyńyzdaǵy ta­bıǵı darynyńyzben jáne erjúrektiligińizdiń arqasynda osy salada tamasha tabystarǵa qol jetkizdińiz. Sizdiń esimińiz kosmonavtıkanyń tarıhyna qazaq halqynyń ǵarysh kógine kóterilgen tuń­ǵysh ókili retinde endi. Eńbekterińiz burynǵy Keńes Odaǵy men egemen elimizdiń eń joǵary memlekettik nagradalarymen atap ótildi. Jaýapty memlekettik qyzmetter atqaryp, Parlament depýtaty bolyp saılanyp, elimizdiń Táýel­sizdigin nyǵaıtýǵa óz úlesińizdi qostyńyz. Sizge myqty densaýlyq, otbasyńyzǵa amandyq pen qut-bereke tileımin. Uzaq ta baqytty ómir sú­rip, halqymyzdyń qoshemetine bólene berińiz, toıy­ńyz toıǵa ulassyn», – delingen quttyqtaý hatta. Odan ári Imanǵalı Tasmaǵambetov batyr uldyń erlikke toly ómir joly, eline sińirgen eńbegi turǵysynda keńinen áńgimelep berdi. Burynǵy Keńes Odaǵynyń, Reseı men Eý­ro­odaq elderiniń ushqysh-ǵaryshkerleri, Qazaq­stan áskerı avıasııasynyń ardagerleri, elimizdiń Áskerı-áýe kúshteriniń qoldanystaǵy ushqyshtary, Aqmola óńirlik garnızonynyń áskerı qyzmetshileri qatysqan sharada Keńes Odaǵynyń Batyry, synaqshy-ushqysh, polkovnık, 6 márte avıasııalyq rekord ornatqan Georgıı Mosolov, Toqtar Áýbákirovtiń komandıri, Keńes Odaǵynyń Batyry, keńestik jáne reseılik ushqysh-ǵaryshker Aleksandr Volkov, MIG-29 jáne MIG-29M ushaqtarynyń bas konstrýktory Valerıı Novıkov, jazýshy, M.Sholohov atyndaǵy Halyqaralyq syılyqtyń ıegeri Sábıt Dosanov, memleket jáne qoǵam qaıratkeri Oralbaı Áb­dikárimov jáne basqalar sóz sóılep, qazaqtyń batyr ulyna izgi tilekterin jetkizdi. Jıyn barysynda mereıtoı ıesiniń qurmetine oraı elimizdiń estrada juldyzdary óz ónerlerin usyndy. Joldybaı BAZAR, «Egemen Qazaqstan»