Jaıyqta da toılandy

Tatardyń ulttyq meıramy Sabantoı Azııa men Eýropanyń ortasy Jaıyqta toılandy. Tynyshtyq pen beıbitshilik sımvoly aq oramal Sabantoı baıraǵyn aqsaqal Zakır Hýzasaıt alyp shyqty. Batys Qazaqstan oblysy tatar mádenıet ortalyǵynyń tóraıymy – isker áıel Flıýra Mılıkeeva óz sózinde ǵasyrdan-ǵasyrǵa jalǵasqan dástúrli Sabantoı el Táýelsizdiginiń 25 jyldyǵyna arnaıy ótkizilip otyrǵanyn, tatardyń salt-dástúri men ulttyq oıyndaryna qosh keldiń aıtyp kelgen qonaqtardy garmonmen qaqpa aldynan qarsy aldy. Batys Qazaqstan oblysy ákiminiń orynbasary Marat Toqjanov tamyry bir, dini bir tatar baýyrlardyń ulttyq merekesin tatýlyq pen dostyqtyń naǵyz jaqyndastyratyn, Elbasynyń salıqaly saıasatynyń arqasynda elimizde san-alýan etnostyń tatý ári tynysh ómir súrýine kóp múmkinshilik alǵanyn atap ótti. Tatarstannyń Qazaqstandaǵy ókili Rýstem Valıýllov kópshi­likke Tatarstan prezıdenti Rýs­tam Mınnıhanovtyń arnaıy quttyqtaýyn jetkizdi. Mereke tek balalarǵa emes, úlkender úshin de tartymdy, qyzyqty ótti. Arqan tartys, kir tasyn kóterý, tatarsha kúres, qapshyq kıip jarysý, qasyqpen jumyrtqa alyp júgirý sııaqty oıyndar óz jalǵasyn tapty.  Rafhat HALELOV  ORAL Sýretti túsirgen avtor