Rıo-2016 ashylý urany: tabıǵat, ártektilik, qýanysh (foto, vıdeo)

Búgin tań aldynda Brazılııanyń Rıo-de-Janeıro qalasynda XXXI jazǵy Olımpııalyq oıyndardyń ashylý saltanaty bolyp ótti. Ol uıymdastyrýshylardyń oılary boıynsha, tabıǵat, ártektilik, qýanysh degen urandy beınelep berdi. 1950 jyly salynǵan «Marakana» stadıony arenasymen 207 memlekettiń 12 myńǵa jýyq sportshysy júrip ótti. Onyń sapynda Qazaqstan sport delegasııasy da boldy. Brazılııa prezıdenti mindetin ýaqytsha atqarýshy Mıshel Temer Rıo-de-Janeırodaǵy XXXI jazǵy Olımpııalyq oıyndardy ashyq dep jarııalady. «XXXI Olımpııalyq oıyndar ashyq dep jarııalanady», - dedi Temer saltanatta. Al olımpııalyq alaýdy buǵan deıin aty ańyzǵa aınalǵan fýtbolshy Pele jaǵady dep kútilgen edi. Dárigerler de oǵan bul sharany atqarýǵa ruqsat berdi. Biraq 75 jastaǵy sportshy densaýlyq jaǵdaıyna baılanysty ózi bas tartty. Osynyń nátıjesinde rásimge sanaýly ýaqyttar qalǵanda, ony 2004 jylǵy Afına Olımpııalyq oıyndarynyń qola júldegeri, marafonshy Vanderleı Kordeırýdyń jasaıtyny belgili boldy. Sóıtip, Oıyndar bastaldy. Damır QOJAMQUL