AQSh-ta Qazaqstandaǵy zulmat jyldar týraly kitap shyqty

Amerıkalyq zertteýshi Marııa Blekvýdtyń aıtýynsha, jaryq kórgen kitap elimizdegi XX ǵasyrda bolǵan asharshylyq jyldaryn qamtıdy. «Qazaqstandaǵy arhıv qujat­tary negizinde aǵylshyn jáne nemis tilinde jazylǵan birneshe jańa kitap jaryq kórdi. Al ashtyq jaıynda baıandaıtyn shyǵarma Germanııada jazyldy. Sonymen qatar, amerıkalyq tarıhshy Sara Kemeronnyń kitaby bıyl basylady. Qarap otyrsańyz, eki avtordyń da taqyryby Qazaqstandaǵy náýbet jyldaryn qamtıdy. Olar osyǵan baılanysty kóptegen tyń materıal tapqan», – deıdi Marııa Blekvýd. Búginde ol ótken ǵasyrdyń 20-30-jyldaryndaǵy alǵashqy qazaq bolshevıkteri jaıly dıssertasııa jazýda. Naqty aıtqanda, onyń dıplomdyq jumysynyń taqyryby alashordalyqtarǵa arnalǵan. .Qazaqstan Prezıdentiniń muraǵatynda ótken konferen­sııada zertteýshi Marııa Blekvýd: «Ǵalymdardyń nazaryn Qazaq­stan tarıhyna aýdarý óte jeńil. Sebebi, ol óte qyzyqty. Men Almaty men Máskeýde bolyp, muraǵattardan tarıhı tyń derekter izdedim. Atalǵan qalalarda burynǵy Keńes Oda­ǵynyń ortalyq muraǵattary bar. Onda Qazaqstanǵa baılanysty kóptegen materıal kezdesedi», – dedi. Aıta keteıik, asharshylyq jaı­ly kitap Qazaqstanǵa jyl so­ńyna deıin jetkizilip, kitap dú­kenderinde satylatyn bolady. Talǵat RAIYMBEK, «Egemen Qazaqstan»