Oppozısııa shekara kelisimine nege qarsy?
Kosovoda parlament otyrysynda oppozısııa Chernogorııamen shekarany demarkasııalaý týraly kelisimniń qabyldanýyna kedergi keltirý úshin otyrys ótip jatqan zalǵa kózden jas aǵyzatyn gaz shashyp jiberdi.
«Reıter» aqparat agenttiginiń habarlaýynsha, sol kezde birneshe adam parlament ǵımaratyna tas laqtyrǵan. Al eldiń premer-mınıstri Isa Mustafa belgisiz adamdar shekara máselelerimen atsalysatyn komıssııa basshysynyń úıine jarylǵysh zat qoıyp ketkeninen habardar etti. Oppozısııadaǵylar buǵan deıin de parlamenttiń Chernogorııamen shekarany belgileýge qatysty otyrysyna kedergi jasaǵan edi. Shekara týraly kelisim Kosovo turǵyndarynyń Eýropalyq odaq elderine vızasyz kirýine múmkindik beredi. Bul kelisimge qarsylar Kosovo shekarasy demarkasııalansa, el segiz myń gektar jerinen aıyrylady degendi alǵa tartady.
Qurama Shtattar bıliginen baspana surady
Vırdjınııa shtatyndaǵy NATO mıssııasyna issaparǵa jiberilgen Túrkııa ofıseri AQSh bıliginen baspana surady. Derek kózderine qaraǵanda, 22 shildede ol óziniń áskerı belgileri men jekebasy kýáligin bazada qaldyrǵan.
Aty-jónin atamaýdy jón kórgen sheneýniktiń aıtýynsha, ofıserdi óz eline qaıtýǵa shaqyrǵan. Sodan keıin kóp ýaqyt ótpeı ol áskerı bazadan ketip qalǵan kórinedi. Pentagonnyń resmı ókili Djeff Devıs túrik áskerı qyzmetshisine baılanysty jaǵdaıdy túsindirýge nıet tanytpady. AQSh-tyń memlekettik departamenti de osy máselege qatysty aqparat berýden bas tartty.
Terrorshyl uıym basshysynyń biri ustaldy
Nemis polıseıleri «Islam memleketi» terrorshyl toptary basshysynyń birin ustady. Ol Germanııa aýmaǵynda sodyrlardyń múddesine ókildik etken sııaqty.
Polıseıler izdeýde júrgen bul qylmyskerdi aldyn-ala túsken aqparattar boıynsha josparlanǵan arnaıy operasııa barysynda qolǵa túsirgen. Tergeýshilerdiń sózine qaraǵanda, radıkaldar fýtboldan el chempıonaty bastalǵan tusta shabýyl jasaýdy josparlaǵan bolýy múmkin. Býndeslıga komandalarynyń kezdesýi 26 tamyzda bastalady. Terrorshylardyń bul elge jasaǵan shabýyldaryn kópshilik umyta qoıǵan joq.
Qysqa qaıyryp aıtqanda:
- Iraktyń astanasy – Baǵdadta aýrýhana ǵımaraty órtenip, dúnıe esigin jańadan ashqan 11 náreste qyzyl jalynnyń qurbany boldy. О́rt aýrýhananyń perzenthanasynda túnge qaraı shyqqan.
- BUU Sırııanyń Aleppo qalasynda soǵysty ýaqytsha toqtatyp, «gýmanıtarlyq úzilis» jasaýǵa shaqyrdy. Seısenbi kúni qalada urys saldarynan sý jáne elektr energııasyn taratý júıeleri isten shyqqan edi.
- Avstralııanyń Nıýporte qalasynda áınekten meshit úıi salynady. Ázirge bul jobany egde jastardaǵy musylmandar tolyq quptaı qoıǵan joq.
- Kalıfornııa ýnıversıtetiniń rektory Nıkolas Dırkas, eger stýdentter narazylyq aksııasyna shyqqan jaǵdaıda «qashyp qutylý» úshin jerasty jolyn qazdyrypty. Oǵan rektor ýnıversıtet bıýdjetinen 9 myń dollarǵa jýyq aqsha shyǵyndaǵan.
Daýly araldarǵa zymyran ornalastyrdy
Vetnam qupııa jaǵdaıda ózderiniń zymyran qondyrǵylaryn Ońtústik-Qytaı teńizindegi daýly araldarǵa ornalastyrdy. Bul aqparatty «Reıter» agenttigi taratty.
Aqparatta atap ótilgendeı, Vetnam Spratlı aralyna zymyran qondyrǵylaryn qupııa túrde jetkizip, olardy bes bazaǵa ornalastyrypty. Endi qondyrǵylar eki-úsh kúnde áskerı daıyndyqqa keltiriletin sııaqty. Zymyran qondyrǵylarynyń daýly araldar aýmaǵyna ornalastyrylýy Qytaı áskerıleriniń osy aýmaqqa qatysýyna tikeleı baılanysty. Áskerı baıqaýshylardyń baǵalaýynsha, Vetnamnyń bul áreketi Ońtústik-Qytaı teńizindegi daýly araldarǵa qatysty sońǵy onjyldyqta jasaǵan eń mańyzdy qadamy bolyp tabylady.
Koreıa da ıadrolyq derjavaǵa aınalýy múmkin
Eger Soltústik Koreıa atom bombasyn jasaýdy jalǵastyra beretin bolsa, Ońtústik Koreıa da ıadrolyq qarýmen qarýlanýdy qolǵa alatyn bolady.
Koreıa Respýblıkasy birlesken mınıstrliginiń saıası máseleler boıynsha bas dırektory Lı Tok Hen avstralııalyq basylymda jarııalanǵan maqalasynda osy máselege arnaıy toqtalǵan. Saıasatker, sondaı-aq, KHDR-diń ıadrolyq derjavaǵa aınalýy Soltústik Koreıany da, Japonııany da ıadrolyq qarý jasaýdy bastaýǵa májbúr etýi múmkin ekendigin atap ótken. «Osynyń barlyǵy Koreı túbeginiń qaýipsizdigine orasan zor qater tóndiredi», – dep eskertedi Lı Tok Hen. Ońtústik Koreıa úkimeti búgingi kúnge deıin ıadrolyq qarý jasaýǵa qarsy bolyp keldi. Al Soltústik Koreıa óz josparyn júzege asyrýdy toqtatar emes.
Túrkııada taǵy da jarylys boldy
Túrkııa qaýipsizdik qyzmetiniń ókilderi eldiń ońtústik-shyǵysyndaǵy jarylystan úsh áskerı qyzmetshi qaza tapqanyn rastady.
Jarylys keshe eldiń Irakpen shekarasyna jaqyn Shırnak provınsııasynyń Ýlýdere aýdanynda bolǵan. Brondy áskerı tehnıka jolmen kele jatqanda jol jıegine jasyrylǵan qoldan jasalǵan bomba jarylypty. Bul terrorlyq aktini Túrkııa aýmaǵynda tyıym salynǵan Kúrdstan jumysshy partııasynyń jasaqtary jasaýy múmkin degen boljam aıtylýda.
Internet materıaldary negizinde ázirlendi
