Qazaqstan Respýblıkasy Bilim jáne ǵylym mınıstrliginiń buıryǵy  №30

2016 jylǵy 15 qańtar, Astana qalasy «Mamandandyrylǵan bilim berý uıymdarynyń túrleri qyzmetiniń úlgilik qaǵıdalaryn bekitý týraly» Qazaqstan Respýblıkasy Bilim jáne ǵylym Mınıstriniń 2013 jylǵy 19 shildedegi №289 buıryǵyna ózgerister engizý týraly «Bilim týraly» 2007 jylǵy 27 shildedegi Qazaqstan Respýblıkasynyń Zańyna sáıkes keltirý maqsatynda buıyramyn: «Mamandandyrylǵan bilim berý uıymdarynyń túrleri qyzmetiniń úlgilik qaǵıdalaryn bekitý týraly» Qazaqstan Respýblıkasy Bilim jáne ǵylym Mınıstriniń 2013 jylǵy 19 shildedegi № 289 buıryǵyna (Normatıvtik quqyqtyq aktilerdi memlekettik tirkeý tiziliminde № 8621 bolyp tirkelgen, «Egemen Qazaqstan» gazetiniń 2013 jylǵy 2 qazandaǵy № 224 (28163) sanynda jarııalanǵan) mynadaı ózgerister engizilsin: kórsetilgen buıryqpen bekitilgen Mamandandyrylǵan mektepter (mamandandyrylǵan mektep, mamandandyrylǵan lıseı (mamandandyrylǵan mektep-lıseı), mamandandyrylǵan gımnazııa (mamandandyrylǵan mektep-gımnazııa)) túrleri qyzmetiniń úlgilik qaǵıdalarynda: 6-tarmaq mynadaı redaksııada jazylsyn: «6. Jalpy ortasha bilim berýdiń qoljetimdiligin jáne varıatıvtiligin qamtamasyz etý, oqý úshin qolaıly jaǵdaılardy jasaý, daryndy balalardy olardyń beıimdilikterine, qabiletterine, múddelilikterine baılanysty tárbıeleý jáne damytý maqsatynda mamandandyrylǵan mektepterdiń kelesi túrleri qurylady: 1) mamandandyrylǵan mektep; 2) mamandandyrylǵan lıseı (mamandandyrylǵan mektep-lıseı); 3) mamandandyrylǵan gımnazııa (mamandandyrylǵan mektep-gımnazııa).»; 13-tarmaqtyń 2) tarmaqshasy mynadaı redaksııada jazylsyn: «2) ekinshi deńgeı - negizgi orta bilim berý;»; 17-tarmaq mynadaı redaksııada jazylsyn: «17. Biriktirilgen bilim berý baǵdarlamalary pánaralyq, deńgeıaralyq, halyqaralyq bolyp bólinedi. Biriktirilgen bilim berý baǵdarlamalaryn iske asyrý úshin bilim berý salasyndaǵy ǵalymdar, akademıkter, shetel mamandary tartylady.»; kórsetilgen buıryqpen bekitilgen Internattyq mekemeleri (mamandandyrylǵan mektep-ınternat, mamandan­dyrylǵan mektep- lıseı-ınternat, mamandandyrylǵan mektep-gımnazııa-ınternat, mamandandyrylǵan mýzykalyq mektep-ınternat, mamandandyrylǵan sporttyq mektep-ınternat, mamandandyrylǵan áskerı mektep-ınternat, qazaq-túrik lıseıi) bar mamandandyrylǵan bilim berý uıymdary túrleri qyzmetiniń úlgilik qaǵıdalarynda: 21-tarmaq mynadaı redaksııada jazylsyn: «21. Biriktirilgen bilim berý baǵdarlamalary pánaralyq, deńgeıaralyq, halyqaralyq bolyp bólinedi. Biriktirilgen bilim berý baǵdarlamalaryn iske asyrý úshin bilim berý salasyndaǵy ǵalymdar, akademıkter, shetel mamandary tartylady.»; kórsetilgen buıryqpen bekitilgen Mamandandyrylǵan mektep-kesheni qyzmetiniń úlgilik qaǵıdalarynda: 18-tarmaq mynadaı redaksııada jazylsyn: «18. Biriktirilgen bilim berý baǵdarlamalary pánaralyq, deńgeıaralyq, halyqaralyq bolyp bólinedi. Biriktirilgen bilim berý baǵdarlamalaryn iske asyrý úshin bilim berý salasyndaǵy ǵalymdar, akademıkter, shetel mamandary tartylady.». 2. Mektepke deıingi jáne orta bilim, aqparattyq tehnologııalar departamenti (J.A. Jontaeva) zańnamada belgilengen tártippen: 1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin; 2) osy buıryqtyń kóshirmesin Qazaqstan Respýblıkasy Ádilet mınıstrliginde memlekettik tirkeýden ótkennen keıin kúntizbelik on kún ishinde merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa, sondaı-aq Qazaqstan Respýblıkasy normatıvtik quqyqtyq aktileriniń etalondyq baqylaý bankinde ornalastyrý úshin «Qazaqstan Respýblıkasy Ádilet mınıstrliginiń Respýblıkalyq quqyqtyq aqparat ortalyǵy» sharýashylyq júrgizý quqyǵyndaǵy respýblıkalyq memlekettik kásipornyna joldaýdy; 3) osy buıryqty Qazaqstan Respýblıkasy Bilim jáne ǵylym mınıstrliginiń ınternet-resýrsynda ornalastyrýdy; 4) osy buıryq Qazaqstan Respýblıkasy Ádilet mınıstrliginde memlekettik tirkeýden ótkennen keıin on jumys kúni ishinde Qazaqstan Respýblıkasy Bilim jáne ǵylym mınıstrliginiń Zań departamentine osy buıryqtyń 2-tarmaǵynyń 1), 2) jáne 3) tarmaqshalarynda kózdelgen is-sharalardyń oryndalýy týraly málimetterdi usynýdy qamtamasyz etsin. 3. Osy buıryqtyń oryndalýyn baqylaý Qazaqstan Respýblıkasynyń Bilim jáne ǵylym vıse-mınıstri E.N. Imanǵalıevke júktelsin. 4. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasynyń Bilim jáne ǵylym mınıstri A. SÁRINJIPOV Buıryq Qazaqstan Respýblıkasynyń Ádilet mınıstrliginde 2016 jylǵy 15 aqpanda Normatıvtik quqyqtyq kesimderdi memlekettik tirkeýdiń tizilimine №13077 bolyp engizildi.