Qazaqstan Respýblıkasy Bilim jáne ǵylym mınıstrliginiń buıryǵy  №20

2016 jylǵy 12 qańtar, Astana qalasy Ǵylymı qyzmettiń nátıjelerin jarııalaý úshin usynylatyn basylymdar tizbesine qosý úshin ǵylymı basylymdarǵa qoıylatyn talaptardy bekitý týraly «Bilim týraly» 2007 jylǵy 27 shildedegi Qazaqstan Respýblıkasy Zańynyń 5-babynyń 36-2) tarmaqshasyna sáıkes buıyramyn: 1. Qosa berilip otyrǵan Ǵylymı qyzmet nátıjelerin jarııalaýǵa usynylatyn basylymdardyń tizbesine qosý úshin ǵylymı basylymdarǵa qoıylatyn talaptar bekitilsin. 2. Qazaqstan Respýblıkasy Bilim jáne ǵylym mınıstrliginiń Bilim jáne ǵylym salasyndaǵy baqylaý komıteti (S.N. Núsipov) zańnamada belgilengen tártippen: 1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin; 2) Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde osy buıryqtyń kóshirmesin merzimdi baspa basylymdarynda jáne «Qazaqstan Respýblıkasy Ádilet mınıstrliginiń Respýblıkalyq quqyqtyq aqparat ortalyǵy» sharýashylyq júrgizý quqyǵyndaǵy respýblıkalyq memlekettik kásipornynyń «Ádilet» aqparattyq-quqyqtyq júıesinde resmı jarııalaýǵa jibersin; 3) osy buıryqty Qazaqstan Respýblıkasy Bilim jáne ǵylym mınıstrliginiń resmı ınternet-resýrsynda ornalastyrsyn. 3. Osy buıryqtyń oryndalýyn baqylaý Qazaqstan Respýblıkasy Bilim jáne ǵylym mınıstrligi Bilim jáne ǵylym salasyndaǵy baqylaý komıtetiniń tóraǵasy S.N. Núsipovke júktelsin. 4. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Mınıstr A. SÁRINJIPOV «KELISILDI» Qazaqstan Respýblıkasy Ulttyq qaýipsizdik komıtetiniń Tóraǵasy V. Jumaqanov __________ 2016 jylǵy 4 aqpan «KELISILDI» Qazaqstan Respýblıkasynyń Investısııalar jáne damý mınıstri Á. Isekeshev___________ 2016 jylǵy 5 aqpan «KELISILDI» Qazaqstan Respýblıkasy Ishki ister mınıstri Q. Qasymov _________ 2016 jylǵy 29 qańtar «KELISILDI» Qazaqstan Respýblıkasynyń Qorǵanys mınıstri I. Tasmaǵambetov _________ 2016 jylǵy 1 aqpan Qazaqstan Respýblıkasy Bilim jáne ǵylym mınıstriniń 2016 jylǵy qańtardaǵy №20 buıryǵymen bekitilgen Ǵylymı qyzmettiń nátıjelerin jarııalaý úshin usynylatyn basylymdar tizbesine qosý úshin ǵylymı basylymdarǵa qoıylatyn talaptar 1. Jalpy erejeler 1. Osy Ǵylymı qyzmet nátıjelerin jarııalaýǵa usynylatyn basylymdardyń tizbesine (budan ári - Basylymdardyń tizbesi) qosý úshin ǵylymı basylymdarǵa qoıylatyn talaptar (budan ári – Talaptar) «Bilim týraly» 2007 jylǵy 27 shildedegi Qazaqstan Respýblıkasy Zańynyń 5-babynyń 36-2) tarmaqshasyna sáıkes ázirlengen. 2. Basylymdar tizbesin Qazaqstan Respýblıkasy Bilim jáne ǵylym mınıstrliginiń Bilim jáne ǵylym salasyndaǵy baqylaý komıteti qalyptastyrady. Basylymdar tizbesine mynadaı talaptarǵa sáıkes keletin ǵylymı basylymdar engiziledi: 1) «Buqaralyq aqparat quraldary týraly» 1999 jylǵy 23 shildedegi № 451-I Qazaqstan Respýblıkasynyń Zańynyń (budan ári - Zań) 4-3 babynyń 2) tarmaqshasyna sáıkes Qazaqstan Respýblıkasy Investısııalar jáne damý mınıstrliginde esepke qoıylý týraly kýáliktiń, jazylý ındeksiniń jáne ISSN (International Standard Serial Number) Halyqaralyq standartty serııalyq nómiriniń bolýy; 2) ǵylymı basylymnyń árbir nómirinde málimdelgen saladaǵy irgeli jáne qoldanbaly zertteýlerdiń ózekti problemalary boıynsha ǵylymı jumystar jarııalanady; 3) ǵylymı basylymnyń merzimdiligi jylyna keminde eki ret, ǵylymı basylymnyń shyǵý ýaqytyn – málimdelgen merzimin saqtaý; 4) ǵylymı basylymnyń halyqaralyq aqparattyq resýrstarda taralýy nemese Qazaqstandyq dáıeksóz alý bazasynda nóldik emes ımpakt-faktorly jýrnaldyń bolýy; 5) redaksııa alqasynyń nemese redaksııalyq keńestiń halyqaralyq nemese otandyq dáıeksóz alý júıelerinde redaksııalyq alqa (redaksııalyq keńes) músheleriniń eńbekterinen dáıeksóz alýdy boljaıtyn ǵylymı bedeli jáne redaksııalyq alqa (redaksııalyq keńes) quramynda sheteldik ǵalymdardyń bolýy; 6) ǵylymı basylymnyń aqparattyq ashyqtyǵy – ǵylymı basylymnyń qaǵaz jáne elektrondy nusqasy (bar bolǵan jaǵdaıda) týraly jalpy aqparat, onyń ishinde ǵylymı basylymnyń redaksııalyq saıasaty jáne taqyryptyq baǵyty týraly málimetter; dárejesi jáne ǵylymı ataǵy (bolǵan jaǵdaıda), jumys orny kórsetilgen redaksııalyq alqanyń (redaksııalyq keńestiń) quramy; qoljazbany resimdeý boıynsha avtorlarǵa arnalǵan nusqaýlyq; izdeý júıesi; sońǵy on eki aıdaǵy nómirlerdiń mazmuny jáne mazmunyna qol jetkizý múmkindigimen ótken jyldardaǵy nómirlerdiń arhıvi; baılanys aqparaty; jarııalanymdar etıkasyna qoıylatyn talaptar; maqalalardy resenzııalaý tártibi kórsetilgen ǵylymı basylymnyń derbes elektrondyq saıtynyń bolýy; 7) ǵylymı eńbekterdi redaksııa alqasy (redaksııalyq keńes) quramyna kirmeıtin keminde eki táýelsiz ǵalymnyń nemese tıisti taqyryp boıynsha mamannyń resenzııalaýy; 8) «Ulttyq ǵylymı-tehnıkalyq aqparattyq ortalyǵy» aksıonerlik qoǵamynan (budan ári – UǴTAO) mynadaı aqparattar kórsetilgen anyqtamanyń bolýy: qorlardy qalyptastyrý jáne elektrondy kitaphanaǵa engizý úshin ǵylymı basylymdardyń keminde úsh jylǵy elektrondyq nusqalaryn usyný týraly; Standarttaý, metrologııa jáne sertıfıkattaý boıynsha Memleketaralyq keńes qabyldaǵan (1998 jylǵy 28 mamyrdaǵy № 1:3-98 hattama) «Jýrnaldar, jınaqtar, aqparattyq basylymdar. Jarııalanatyn materıaldardy baspalyq resimdeý» GOST 7.5-98 boıynsha maqalalardyń, sondaı-aq Standarttaý, metrologııa jáne sertıfıkattaý boıynsha Memleketaralyq keńes qabyldaǵan (2003 jylǵy 2 shildedegi № 12 hattama) «Bıblıografııalyq jazba. Bıblıografııalyq sıpat. Qurastyrýdyń jalpy talaptary jáne qaǵıdasy» GOST 7.1-2003 boıynsha maqalalardaǵy bıblıografııalyq tizimderdiń resimdeý jónindegi bazalyq baspa standarttaryna sáıkestigi týraly; Qazaqstandyq dáıeksóz alý bazasynda nóldik emes ımpakt-faktorly jýrnaldyń bolýy (bar bolǵan jaǵdaıda); redaksııa alqasy (redaksııalyq keńes) músheleriniń maqalalaryna silteme jasalýy týraly málimet; 9) sheteldik avtorlardyń jarııalanymdarynyń, sondaı-aq jýrnaldyń árbir nómirinde shet tilderindegi jarııalanymdardyń bolýy; 10) jarııalanymdar men avtorlar etıkasyna qoıylatyn talaptar. 3. Web of Science, Scopus, Pubmed, zbMath, MathScinet, Agris, Georef, Astrophysical journal bıblıometrıkalyq derekter bazasyna engizilgen ǵylymı basylymdar osy Talaptyń 6-tarmaǵyndaǵy normalardy qoldanbaı Basylymdar tizbesine engiziledi. 4. Qorǵanys mınıstrligi, Ishki ister mınıstrligi Qazaqstan Respýblıkasynyń arnaýly memlekettik organdary ǵylymı basylymdarynyń kásiptik qyzmetiniń ereksheligin eskere otyryp, Basylymdar tizbesine mynadaı talaptarǵa sáıkes keletin ǵylymı basylymdar engiziledi: 1) Zańnyń 4-3 babynyń 2) tarmaqshasyna sáıkes Qazaqstan Respýblıkasy Investısııalar jáne damý mınıstrliginde esepke qoıylý týraly kýáliktiń bolýy (Zańnyń 12-babyna sáıkes taralymy 100 danaǵa jetpeıtin basylymdardan basqasy); 2) qorǵanys jáne qaýipsizdik, áskerı, áskerı-tehnıkalyq, qoǵamdyq jáne gýmanıtarlyq ǵylymdar salasyndaǵy irgeli jáne qoldanbaly zertteýlerdiń ózekti problemalary jónindegi ǵylymı jumystardyń jarııalanymy; 3) Standarttaý, metrologııa jáne sertıfıkattaý boıynsha Memleketaralyq keńes qabyldaǵan (1998 jylǵy 28 mamyrdaǵy № 1:3-98 hattama) «Jýrnaldar, jınaqtar, aqparattyq basylymdar. Jarııalanatyn materıaldardy baspalyq resimdeý» GOST 7.5-98 boıynsha maqalalardyń, sondaı-aq Standarttaý, metrologııa jáne sertıfıkattaý boıynsha Memleketaralyq keńes qabyldaǵan (2003 jylǵy 2 shildedegi № 12 hattama) «Bıblıografııalyq jazba. Bıblıografııalyq sıpat. Qurastyrýdyń jalpy talaptary jáne qaǵıdasy» GOST 7.1-2003 boıynsha maqalalardaǵy bıblıografııalyq tizimderdi resimdeý jónindegi bazalyq baspa standarttaryna sáıkestigi týraly UǴTAO-dan berilgen anyqtamanyń bolýy; 4) memlekettik qupııalardy qamtıtyn basylymdardy qospaǵanda, aqparattyq resýrstar arqyly jýrnalǵa qol jetkizý; 5) sheteldik avtorlar jarııalanymdarynyń bolýyn bildiretin jýrnaldyń halyqaralyq baǵyttylyǵy, sondaı-aq materıal jarııalanatyn ǵylym salasyndaǵy jýrnaldyń redaksııa alqasynyń halyqaralyq quramy (memlekettik qupııalardy qamtymaıtyn basylymdardan basqa). Jýrnal ornalasqan aqparattyq resýrstarda dárejesi jáne ǵylymı ataǵy (bolǵan jaǵdaıda) kórsetilgen redaksııa alqasy músheleriniń derekteri keltiriledi; 6) jýrnaldyń ýaqytyly shyǵarylýy jáne basylym merzimdiligi jylyna keminde eki ret, taralymy keminde eki júz dana. Memlekettik qupııalardy qamtıtyn basylym taralymyn baspa aıqyndaıdy; 7) taqyryptaryna jaqyn salada zertteýler júrgizetin mamandardyń maqalalardy resenzııalaýy; 8) memlekettik qupııalardy qamtıtyn basylymdardan basqa, shetel tilindegi maqalalardyń bolýy. Buıryq Qazaqstan Respýblıkasynyń Ádilet mınıstrliginde 2016 jylǵy 5 naýryzda Normatıvtik quqyqtyq kesimderdi memlekettik tirkeýdiń tizilimine №13409 bolyp engizildi.