Premer Batys Qazaqstanda jurtshylyq ókilderimen kezdesti

Úkimet basshysy Batys Qazaqstan oblysyna jumys sapary aıasynda Oraldaǵy qoǵam jáne zııaly qaýym ókilderimen kezdesti. Pm.kz-tiń habarlaýynsha, kezdesýge qatysýshylar aımaqtyń ekonomıkalyq jáne áleýmettik-mádenı damýynyń ózekti máselelerin talqylady. Atap aıtqanda, qurylys, jol-kólik ınfraqurylymy, jastardy jumysqa ornalastyrý taqyryptary kóterilip, Jaıyq ózenindegi ekologııalyq ahýal týraly aıtyldy. Premer-Mınıstrge óz usynystaryn shyǵarmashylyq zııaly qaýym ókilderi de bildirdi. Máselen, belgili aqyn Aqushtap Baqtygereeva jastarǵa rýhanı tárbıe berýdiń jáne mádenı dástúrler men qundylyqtardy saqtaýdyń mańyzdylyǵy týraly aıtty. О́z kezeginde Batys Qazaqstan Innovasııalyq ýnıversıtetiniń dosenti A.Ábdilmanov belgili qazaq jazýshysy Hamza Esenjanovtyń esimin balalar men jasóspirimderge arnalǵan oblystyq kitaphanaǵa berýdi usyndy. Oral turǵyndaryn tolǵandyrǵan suraqtarǵa Mádenıet jáne sport mınıstri Arystanbek Muhamedıuly, Investısııalar jáne damý mınıstri Jeńis Qasymbek, Aýyl sharýashylyǵy vıse-mınıstri Ermek Kósherbaev, Densaýlyq saqtaý jáne áleýmettik damý vıse-mınıstri Birjan Nurymbetov, Bilim jáne ǵylym vıse-mınıstri Bıbigúl Asylova tushymdy jaýaptaryn berdi. Aıdar О́RISBAEV