Bıylǵy Olımpıadada elimizden bokstan áıelder arasynda ótetin jarystarǵa eki sportshymyz qatysady. Onyń bireýi – Darıǵa Shákimova, ekinshisi Jaına Shekerbekova. Búgin «Egemen Qazaqstan» gazetiniń Olımpııalyq oıyndardaǵy arnaýly tilshisi Baqtııar Taıjan sporttyń osy túrinen áıelder qurama komandasynyń aǵa jattyqtyrýshysy Vadım Prısıajnıýkpen kezdesip, boksshylardyń jarysqa daıyndyǵy týraly surastyrdy.
-Boksshylardyń daıyndyǵy qalaı?
-Daıyndyǵy jaqsy. Biz Rıo-de-Janeıroǵa Olımpıadanyń bastalýyna birneshe kún qalǵanda keldik. Jattyǵýlardy úzbeı jasap jatyrmyz. Darıǵa Shákimova, ózderińiz bilesizder, 75 kıloǵa deıingi salmaqta, al Jaına Shekerbekova 51 kıloǵa deıingi salmaqta qolǵap túıistiredi. Jarysqa az ǵana ýaqyt qaldy. Ýaqyt az bolsa da, qyzdarǵa úmit artyp otyrmyz.
-
Úmit artyp otyrmyz deısiz. Eki júlde alýǵa úmit bar ma?
-Árıne. Mysaly, Jaına Olımpıadaǵa jaqsy daıyndyqpen keldi. Ol birneshe oqý-jattyǵý jıyndaryna qatysty. Astanada ótken álem chempıonatynda boksshy qyzymyz búkil álemge Qazaqstanmen sanasý kerektigin kórsetti.
-
Darıǵa Shákimova álem chempıonatyna qatyspady. Onyń daıyndyǵy qalaı?
-Darıǵa Olımpıadaǵa kóp ýaqyt daıyndaldy. Ol lısenzııany Qytaıda ótken halyqaralyq týrnırde alǵan soń álemdik dodaǵa qatyspady. Shákimova Olımpıada osy daınydyǵyn kórsetýi kerek. Onyń qarsylastary ońaı bolmaıdy. Mysaly, AQSh-tyń boksshysy Klaressa Shılds – Olımpıada jáne álem chempıony. Degemen, Darıǵa olardan seskenip otyrǵan joq. Onyń soqqylary jaqsy. Sharshy alańdy jaqsy sezinedi, qorǵanysta tapsyrmany 100 paıyz oryndaıdy.
Bizge tek jankúıerlerdiń qoldaýy ǵana kerek. Basqasyn ózimiz jasaımyz.
Dastan KENJALIN
[caption id="attachment_55904" align="aligncenter" width="700"]
Darıǵa Shákimova[/caption]
[caption id="attachment_55903" align="aligncenter" width="700"]
Jaına Shekerbekova[/caption]
Foto: kfb.kz
