Elbasy jeńimpazdardy quttyqtady

Qazaqstan Prezıdenti Nursultan Nazarbaev Rıo-de-Janeırodaǵy Olımpııa oıyndaryndaǵy jeńisine baılanys­ty Nıjat Rahımovqa quttyqtaý jedelhatyn joldady, dep habarlady Elbasynyń baspasóz qyzmeti. Memleket basshysy aýyr atletıka saıysynda altyn medal ıelengen N.Rahımovty quttyqtady. «Qazaqstandyqtar seniń óne­rińdi zor qyzyǵýshylyqpen jáne úlken úmitpen tamashalady. Sen olardyń úmitin tolyq aqtadyń. Joǵary sporttyq sheberligiń, jan­keshtiligiń men asqan erik-jigeriń saǵan qıyn saıysta myqty qarsylastardy jeńip shyǵyp, Qazaqstannyń olımpıadalyq koman­dasyna alǵashqy altyn medaldy áperýge kómektesti. Seniń jeńisiń eldiń jas sportshylary úshin laıyqty úlgi bolary anyq», – delingen jedelhatta. Nursultan Nazarbaev sport­shyǵa jańa jeńis pen jetistikter tiledi. *** Elbasy Nursultan Nazarbaev Dmıtrıı Balandınge Rıo-de-Janeırodaǵy Olımpııa oıyndaryndaǵy jeńisine baılanysty quttyqtaý jedelhatyn joldady, dep habarlady Prezıdenttiń baspasóz qyzmeti. Memleket basshysy D.Balan­dındi sýda júzý saıystarynda jeńip alǵan altyn medalimen quttyqtady. «Seniń jarqyn jeńisiń qazaq­standyqtarǵa zor qýanysh syılady. Dańqty qarsylastarmen jankeshti jáne qıyn saıysta jeńip alǵan altyn medal – seniń joǵary sheberligińniń, maqsatqa talpynýyńnyń, erik kúshiń men qaırat-jigerińniń kórsetkishi. Seniń teńdessiz tabysyń Qazaqstan sportynyń shejiresinde máńgilik qalady», – delingen jedelhatta. Qazaqstan Prezıdenti sport­shy­nyń keleshekte jańa belesterdi baǵyn­dyrýyna tilektestik bildirdi.