Mysyǵy barlar muńaıǵysh bolady

Facebook qoldanýshylardyń arasynda zertteý júrgizgen amerıkalyq ǵalymdar úıinde mysyǵy bar adamdar basqalarmen salystyrǵanda muńaıǵysh bolatynyna, jıi jabyrqap júretinine kóz jetkizipti. 1 600 adamnyń áleýmettik jelidegi akkaýntyna taldaý jasaǵan ǵalymdardyń paıymdaýynsha, mysyq asyraıtyn adamdardyń kópshiligi jalǵyzbasty bolyp keledi. Kerisinshe, únemi kóńildi júretin, dostary, týystary kóp adamdardyń kóbi ıt asyraıtyn bolyp shyqqan. – Mysyq asyraıtyndar áleýmettik jelide kó­ńilsiz, negatıvke toly jazbalardy jıi jazatynyn baı­qadyq. Itti jaqsy kóretinderdiń jazbasyna qa­rasańyz, olardyń ózderine senimdi, ómirge dán rıza ekeni kórinip turady, – deıdi zertteýshiler. Taǵy bir aıta keterligi, mysyq asyraıtyndardy qonaqqa sırek shaqyrady eken. Sol sebepti, olar úılerinen kóp shyqpaıdy, tórt aıaqty serigin qushaqtap, ýaqytynyń basym bóligin teledıdardyń nemese kompıýterdiń aldynda ótkizedi. Al ıt jetektegender qonaqtan da qalmaıdy, eshkim shaqyrmaǵannyń ózinde serigin jetektep alyp ózi serýendeıdi. Arnur ASQAR, «Egemen Qazaqstan»