Qazaqstan Respýblıkasy Qarjy mınıstrliginiń buıryǵy  №161 

2016 jylǵy 5 sáýir, Astana qalasy Kredıttik seriktestikterge arnalǵan qylmystyq jolmen alynǵan kiristerdi zańdastyrýǵa (jylystatýǵa) jáne terrorızmdi qarjylandyrýǵa qarsy is-qımyl jasaý maqsatynda ishki baqylaý qaǵıdalaryna qoıylatyn talaptardy bekitý týraly «Qylmystyq jolmen alynǵan kiristerdi zańdastyrýǵa (jylystatýǵa) jáne terrorızmdi qarjylandyrýǵa qarsy is-qımyl týraly» 2009 jylǵy 28 tamyzdaǵy Qazaqstan Respýblıkasy Zańynyń 11-baby 3-2-tarmaǵyna sáıkes buıyramyn: 1. Qosa berilip otyrǵan kredıttik seriktestikterge arnalǵan qylmystyq jolmen alynǵan kiristerdi zańdastyrýǵa (jylystatýǵa) jáne terrorızmdi qarjylandyrýǵa qarsy is-qımyl jasaý maqsatynda ishki baqylaý qaǵıdalaryna qoıylatyn talaptar bekitilsin. 2. Qazaqstan Respýblıkasy Qarjy mınıstrliginiń Qarjy monıtorıngi komıteti (B.Sh.Tájiıaqov) zańnamada belgilengen tártippen: 1) osy buıryqty Qazaqstan Respýblıkasy Ádilet mınıstrliginde memlekettik tirkeýdi; 2) osy buıryqty memlekettik tirkelgennen keıin kúntizbelik on kún ishinde merzimdi baspasóz basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberýdi; 3) osy buıryqty Qazaqstan Respýblıkasy Ádilet mınıstrliginde alǵan kúnnen bastap bes jumys kúni ishinde Qazaqstan Respýblıkasy Normatıvtik quqyqtyq aktileriniń etalondyq baqylaý bankine engizý úshin Qazaqstan Respýblıkasy Ádilet mınıstrliginiń «Respýblıkalyq quqyqtyq aqparat ortalyǵy» sharýashylyq júrgizý quqyǵyndaǵy respýblıkalyq memlekettik kásipornyna jiberýdi; 4) osy buıryqty Qazaqstan Respýblıkasynyń Qarjy mınıstrliginiń ınternet-resýrsyna ornalastyrýdy qamtamasyz etsin. 3.Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasynyń Qarjy mınıstri B.SULTANOV Qazaqstan Respýblıkasy Qarjy mınıstriniń 2016 jylǵy 5 sáýirdegi №161 buıryǵymen bekitilgen Kredıttik seriktestikterge arnalǵan qylmystyq jolmen alynǵan kiristerdi zańdastyrýǵa (jylystatýǵa) jáne terrorızmdi qarjylandyrýǵa qarsy is-qımyl jasaý maqsatynda ishki baqylaý qaǵıdalaryna qoıylatyn talaptardy bekitý týraly 1. Jalpy erejeler 1.Osy Kredıttik seriktestikterge arnal­ǵan qylmystyq jolmen alynǵan kiristerdi zańdastyrýǵa (jylystatýǵa) jáne terrorızmdi qarjylandyrýǵa qarsy is-qımyl jasaý maqsatynda ishki baqylaý qaǵıdalaryna qoıylatyn talaptar (budan ári – Talaptar) «Qylmystyq jolmen alynǵan kiristerdi zańdastyrýǵa (jylystatýǵa) jáne terrorızmdi qarjylandyrýǵa qarsy is-qımyl týraly» 2009 jylǵy 28 tamyzdaǵy Qazaqstan Respýb­lıkasynyń Zańyna (budan ári – Zań) jáne Aqshany jylystatýǵa qarsy kúrestiń qarjylyq sharalaryn ázirleý tobynyń (budan ári – FATF) halyqaralyq standarttaryna sáıkes ázirlengen. 2. Osy Talaptarda qarjy monıtorınginiń sýbektilerine kredıttik seriktester (budan ári – Sýbektiler) jatady. 3. Eger Talaptarda ózgeshe kózdelmese, onda Talaptarda qoldanylǵan uǵymdar Zańda jáne «Kredıttik seriktestikter týraly» 2003 jylǵy 28 naýryzdaǵy Qazaqstan Respýblıkasynyń Zańynda kórsetilgen maǵynada paıdalanylady. 4. Talaptar maqsatynda mynadaı negizgi uǵymdar paıdalanylady: 1) aqshamen jáne (nemese) ózge múlikpen operasııalardy toqtatyp qoıý – Sýbektilerdiń terrorızm jáne ekstremızmdi ne olardyń paıdasyna qarjylandyrýmen baılanysty uıymdar men tulǵalardyń tizbesine kiretin uıymdardyń nemese jeke tulǵanyń, osyndaı jeke tulǵa benefısıarlyq menshik ıesi bolyp tabylatyn klıenttiń ne onyń paıdasyna aqshamen jáne (nemese) ózge de múlikpen jasalatyn operasııalardy júrgizýden bas tartý jolymen qabyldanatyn sharalar; 2) klıent – Sýbektilerdiń qyzmetterin paıdalanatyn jeke nemese zańdy tulǵa; 3) qarjy monıtorıngine jatatyn operasııalar týraly málimetter men aqparat­tyń nysany – Qazaqstan Respýblıkasy Úkimetiniń 2012 jylǵy 23 qarashadaǵy № 1484 qaýlysymen bekitilgen Qarjy monıtorıngi sýbektileriniń qarjy monıtorıngine jatatyn operasııalar týraly málimetter men aqparatty berý erejesimen aıqyndalǵan nysan (budan ári – QM-1 nysany); 4) qylmystyq jolmen alynǵan kiristerdi zańdastyrý (jylystatý) jáne terrorızmdi qarjylandyrý táýekelderi – Sýbektilerdi qylmystyq jolmen alynǵan kiristerdi zańdastyrý (jylystatý) jáne terrorızmdi qarjylandyrý prosesterine nemese ózge qylmystyq isterge qasaqana nemese baıqaýsyz tartý múmkindigi; 5) qylmystyq jolmen alynǵan kiristerdi zańdastyrý (jylystatý) jáne terrorızmdi qarjylandyrý táýekelderin basqarý – qylmystyq jolmen alynǵan kiristerdi zańdastyrý (jylystatý) jáne terrorızmdi qarjylandyrý táýekelderiniń monıtorıngi, aıqyndaý, sondaı-aq olardy tómendetý boıyn­sha Sýbektiler qabyldaıtyn sharalar jıyntyǵy (qyzmetterge, klıentterge qatysty); 6) ýákiletti organ – Zańǵa sáıkes qarjy monıtorıngin júzege asyratyn jáne qyl­mys­tyq jolmen alynǵan kiristerdi zańdas­tyrýǵa (jylystatýǵa) jáne terrorızmdi qarjylandyrýǵa qarsy is-qımyl jónindegi ózge de sharalardy qoldanatyn memlekettik organ. 5. Ishki baqylaý: 1) Sýbektilerdiń Qylmystyq jolmen alynǵan kiristerdi zańdastyrýǵa (jylystatýǵa) jáne terrorızmdi qarjylandyrýǵa qarsy is-qımyl (budan ári – AJ/TQQ) týraly Qazaqstan Respýblıkasy zańnamasynyń talaptaryn oryndaýdy qamtamasyz etýi; 2) Ishki baqylaý júıesiniń tıimdiligin qylmystyq jolmen alynǵan kiristerdi zańdastyrý (jylystatý) jáne terrorızmdi qarjylandyrý (budan ári – AJ/TQ) táýekelderin basqarý úshin jetkilikti deńgeıde qoldaýy; 3) AJ/TQQ táýekelderin tómendetý maqsatyn­da júzege asyrylady. 6. Sýbektiler Ishki baqylaý qaǵıdalaryn (budan ári – IBQ) uıymdastyrý jáne saqtaý boıynsha jaýapty tulǵa bolyp tabylady. 7. Sýbektiler IBQ ázirleý, qabyldaý jáne (nemese) oryndaý mindettemeleriniń jáne ony júzege asyrý baǵdarlamalarynyń oryndalmaýyna «Ákimshilik quqyq buzýshylyq týraly» 2014 jylǵy 5 shildedegi Qazaqstan Respýblıkasynyń Kodeksine sáıkes ákimshilik jaýapkershilikte bolady. 8. IBQ AJ/TQQ-ǵa baǵyttalǵan jumystyń uıymdyq negizderin retteıtin jáne Sýbekti­lerdiń AJ/TQQ maqsatynda is-áreket jasaý tártibin belgileıtin qujat bolyp tabylady. 9. Zańnyń 11-babynyń 3-tarmaǵyna sáıkes IBQ mynadaı: AJ/TQQ maqsatynda ishki baqylaýdy uıymdastyrý baǵdarlamasyn; tehnologııalyq jetistikterdi paıdalaný táýekelin qosa alǵanda, klıentterdiń táýekelderin jáne kórsetiletin qyzmetterdi qylmystyq maqsattarda paıdalaný táýekel­derin eskeretin, AJ/TQ táýekelin basqarý baǵ­darlamasyn; klıentterdi sáıkestendirý baǵdarlamasyn; klıentterdiń kúrdeli, erekshe iri jáne basqa da erekshe operasııalaryn zerdeleýdi qosa alǵanda, klıentterdiń operasııalaryna monıtorıng júrgizý jáne olardy zerdeleý baǵdarlamasyn; qarjy monıtorıngi sýbektileriniń qyz­metkerlerin AJ/TQQ máseleleri boıynsha daıarlaý jáne oqytý baǵdarlamasyn; IBQ-na sáıkes qarjy monıtorıngi sýbektileri ázirleıtin ózge de baǵdarlamany qamtıdy. 10. IBQ-ny uıymdastyrý, iske asyrý jáne saqtaý monıtorıngi boıynsha IBQ jaýapty laýazymdy tulǵa ne qurylymdyq bólimshe taǵaıyndaýdy kózdeıdi. Jaýapty tulǵanyń laýazymyna joǵary bilimi joq, qarjy nemese mıkroqarjy (mıkrokredıttik) uıymdarynda eńbek ótili 2 (eki) jyldan az (tehnıkalyq nemese qosalqy personal laýazymdaryndaǵy jumys tájirıbesin qospaǵanda), ekonomıkalyq qyzmet salasynda aýyrlyǵy ortasha, aýyr jáne asa aýyr qasaqana jasalǵan qylmystary úshin alynbaǵan jáne joıylmaǵan sottalǵandyǵy bar tulǵa taǵaıyndalmaıdy. 11. AJ/TQQ týraly zańnamaǵa ózgerister men (nemese) tolyqtyrýlar engizilgen jaǵdaıda, Sýbektiler kúntizbelik 30 kún ishinde IBQ-ǵa tıisti ózgerister men tolyqtyrýlar engizedi. 2. Ishki baqylaýdy uıymdastyrý baǵdarlamasy 12. Ishki baqylaýdy uıymdastyrý baǵdar­lamasy: 1) AJ/TQQ maqsatynda ishki baqylaýdy júzege asyrý barysynda Sýbektiler qyzmetiniń sıpattamasyn qosa alǵanda ishki baqylaýdy uıymdastyrý tártibinen; 2) aqshamen jáne (nemese) ózge de múlikpen operasııa jasaýdan bas tartý tártibi Zańnyń 5-baby 3-tarmaǵynyń 1), 2), 2-1), 4) jáne 6) tarmaqshalarynda kózdelgen sharalardy qoldaný múmkin bolmaǵan jaǵdaıda, klıentpen iskerlik qatynasqa tyıym salý jáne toqtatý jónindegi sharalardy qabyldaý, Zańnyń 5-baby 3-tarmaǵynyń 6) tarmaqshasynda kózdelgen sharalardy qabyldaý múmkin bolmaǵan jaǵdaıda jeke nemese zańdy tulǵaǵa iskerlik qatynastardy ornatýdan bas tartý tártibinen; 3) zerdeleýge jatatyn kúrdeli, erekshe iri jáne basqa da erekshe operasııalardy Sýbektilerdiń kúdikti operasııa retinde taný tártibinen; 4) ýákiletti organǵa málimetterdi, aqparatty jáne qujattardy berý úshin qoldanylatyn avtomattandyrylǵan aqparattyq júıeler jáne baǵdarlamalyq qamtý jumysynyń nusqamalary men reglamentterin qosa alǵanda, ýákiletti organǵa qarjy monıtorıngine jatatyn operasııalar týraly málimetter men aqparatty, klıentpen iskerlik qatynastar ornatýdan bas tartý, klıentpen iskerlik qatynastardy toqtatý, aqshamen jáne (nemese) ózge múlikpen operasııa júrgizýden bas tartý faktilerin berý tártibinen; 5) klıenttiń dereknamasyn jáne onymen hat-habar almasýdy qosqanda, klıentti tıisinshe tekserý nátıjeleri boıynsha alynǵan qujattar men málimetterdi, qarjy monıtorıngine jatatyn aqshamen jáne (nemese) ózge múlikpen operasııalar, sonymen qatar kúdikti operasııalar týraly qujattar men málimetterdi, sondaı-aq barlyq kúrdeli, erekshe iri jáne basqa da erekshe operasııalardy zerdeleý nátıjelerin qujattyq tirkeý jáne saqtaý tártibinen turady. Qarjy monıtorıngine jatatyn jáne ýákiletti organǵa beriletin operasııalardy qujattyq tirkeý nómirlengen, tigilgen, basshynyń qoly jáne mórimen bekitilgen qarjy monıtorıngine jatatyn operasııalar týraly málimetteriniń esebi jýrnalynda jazylady. Qarjy monıtorıngine jatatyn operasııalar týraly málimetteriniń esebi jýrnalynda: aqparatty ýákiletti organǵa berý nómiri men kúni; habarlama berý negizi; ýákiletti organnyń QM-1 nysanyn qabyl­daǵany/qabyldamaǵany týraly habarla­manyń nómiri men kúni; 6) Sýbektilerdiń qyzmetkerleri olarǵa belgili bolǵan AJ/TQQ týraly zańnamany, IBQ-ny Sýbektiler qyzmetkerleriniń buzý faktileri týraly basshyny aqparattandyrý tártibinen turady. 13. Ishki baqylaýdy uıymdastyrý baǵ­darlamasyna sáıkes Sýbektilerdiń fýnksııalary: 1) IBQ-ǵa ózgerister men (nemese) tolyq­tyrýlar engizýdi; 2) Zańǵa sáıkes qarjy monıtorıngine jatatyn operasııalar týraly málimetter men aqparatty ýákiletti organǵa berýdi uıymdastyrý jáne baqylaýdy; 3) klıent operasııalaryn kúdikti retinde taný týraly sheshimder qabyldaýdy; 4) klıent operasııalaryn kúrdeli, erekshe iri jáne basqa da erekshe operasııalarǵa jatqyzý týraly sheshimder qabyldaýdy; 5) klıent operasııalaryn toqtatý ne júrgizýden bas tartý jáne ýákiletti organǵa jiberý qajettigi týraly sheshimder qabyldaýdy; 6) klıenttermen iskerlik qatynastar ornatý, jalǵastyrý ne toqtatý týraly sheshimder qabyldaýdy; 7) klıentke (onyń ókiline) jáne bene­fısıarlyq menshik ıesine qatysty qabyldanǵan sheshimderdi qujattyq tirkeýdi; 8) IBQ-ny iske asyrý barysynda alynǵan derekter negizinde klıenttiń dereknamasyn qalyptastyrýdy; 9) táýekelderdi basqarý jáne ishki baqylaý júıesin jetildirý jóninde sharalar qabyldaýdy; 10) klıenttiń dereknamasyn jáne onymen hat-habar almasýdy qosa alǵanda, klıentti tıisinshe tekserý nátıjeleri boıynsha alynǵan qujattar men málimetter, qarjy monıtorıngine jatatyn aqshamen jáne (nemese) ózge múlikpen operasııalar jáne kúdikti operasııalar týraly qujattar men málimetter, sondaı-aq barlyq kúrdeli, erekshe iri jáne basqa da erekshe operasııalardy zerdeleý nátıjeleri klıentpen iskerlik qatynastardy toqtatqan kúnnen bastap keminde bes jyl saqtaýdy qamtamasyz etý; 11) AJ/TQQ týraly zańnamaǵa sáıkes ózge qyzmetter. 14. Sýbektiler júktelgen fýnksııalarǵa sáıkes: 1) óz qyzmetin júzege asyrý barysynda alyn­ǵan aqparatty qupııa saqtaýdy qamtamasyz etedi; 2) AJ/TQQ týraly zańnamanyń oryndalýyn baqylaýdy júzege asyrý úshin tıisti memlekettik organdarǵa aqparat beredi; 3) Zańnyń 10-babynyń 3-1-tarmaǵyna sáıkes ýákiletti organǵa onyń suratýy boıynsha qajetti aqparatty, málimetter men qujattardy usynady. 15. Sýbektiler klıentter men ózge de tulǵalarǵa osyndaı klıentter týraly jáne olar jasaıtyn operasııalar týraly aqparatty, málimetter men qujattardy ýákiletti organǵa bergeni týraly habarlamaıdy. 3. AJ/TQ táýekelin basqarý baǵdarlamasy 16. AJ/TQ táýekelin basqarý baǵdarlamasy Sýbektilerdiń táýekel deńgeıin bere otyryp AJ/TQ-men baılanysty aqshamen jáne (nemese) ózge múlikpen klıenttiń operasııalar jasaý táýekeline baǵalaý júrgizýin kózdeıdi. Táýekelder deńgeıi klıent (onyń ókili) jáne benefısıarlyq menshik ıesi týraly qolda bar málimetter negizinde qalyptastyrylady. Táýekelderdi baǵalaý qorytyndylary qujattyq tirkeledi jáne tıisti memlekettik organdar men Sýbektiler múshe bolyp tabylatyn qarjy emes uıymdardyń talap etýi boıynsha usynylady. Klıentke berilgen táýekelder deńgeıi qajettiligine qaraı, alaıda jylyna keminde bir ret qaıta qaralady. 17. AJ/TQ táýekelin basqarý baǵdarlama­synda táýekeldiń joǵary deńgeıi: 1) mynadaı: FATF usynymdaryn oryndamaıtyn jáne (nemese) jetkilikti oryndamaıtyn; jemqorlyq nemese ózge qylmystyq áreketteri joǵary deńgeıdegi; Birikken Ulttar Uıymy (ári – BUU) salatyn sanksııalarǵa, embargo jáne sol sııaqty sharalarǵa ushyraǵan; terrorıstik (ekstremıstik) áreketterdi qarjylandyratyn nemese qoldaý kórsetetin jáne belgilengen terrorıstik (ekstremıstik) uıymdary bar. Eskertpe. Osyndaı memleketterge (aý­maqtarǵa) BUU-nyń jáne halyqaralyq uıymdardyń málimetteri boıynsha siltemeler ýákiletti organnyń resmı Internet-resýrsynda jarııalanady. 2) mynadaı jaǵdaılarda klıentke: klıent sheteldik jarııa laýazymdy tulǵa bolyp tabylǵan; klıent jarııa halyqaralyq uıymnyń laýazymdy tulǵasy bolyp tabylǵan; klıent sheteldik jarııa laýazymdy tulǵanyń múddesine (paıdasyna) áreket etetin tulǵa bolyp tabylǵan; klıent sheteldik jarııa laýazymdy tulǵanyń zaıyby, jaqyn týysy bolyp tabylǵan; klıent (onyń ókili) ne benefısıarlyq menshik ıesi ne klıenttiń kontragenti operasııa boıynsha Normatıvtik quqyqtyq aktilerdi memlekettik tirkeý tiziliminde № 6058 bolyp tirkelgen «Qylmystyq jolmen alynǵan kiristerdi zańdastyrýǵa (jylystatýǵa) jáne terrorızmdi qarjylandyrýǵa qarsy is-qımyl týraly» Qazaqstan Respýblıkasy Zańynyń maqsattary úshin Offshorlyq aımaqtar tizbesin bekitý týraly» Qazaqstan Respýblıkasy Qarjy mınıstriniń mindettin atqarýshy 2010 jylǵy 10 aqpandaǵy № 52 buıryǵymen (budan ári – Buıryq) bekitilgen offshorlyq aımaqtar tizbesine engen memlekette (aýmaqta) tirkelgen nemese qyzmetin júzege asyrǵan; klıent Zańnyń 12-babyna sáıkes Terrorızmdi jáne ekstremızmdi qarjylandyrýmen baılanysty uıymdar men tulǵalardyń tizbesine engen; klıent azamattyǵy joq bolyp tabylǵan; klıent Qazaqstan Respýblıkasynda tirkelgen nemese kelgen mekenjaıy bolmaǵan Qazaqstan Respýblıkasynyń azamaty bolyp tabylǵan; klıent rezıdent emes bolyp tabylǵan; klıentpen iskerlik qatynas erekshe (mysaly, Sýbekti men klıenttiń arasynda túsiniksiz geografııalyq araqashyqtyq bar) jaǵdaılarda júzege asyrylǵan; klıenttiń qyzmeti qolma-qol aqshanyń qar­qyndy aınalymymen baılanysty; klıent bergen málimetterdi tekserý kezinde Sýbektide qıyndyqtar paıda bolǵan; klıent asyǵys operasııa júrgizýdi talap etken; klıent paıdalanylýy Sýbektiniń ádettegi tájirıbesinen aıryqshalanatyn, standartty emes nemese esep aıyrysýdyń ádettegiden kúrdeli shemalar júrgizýdi talap etken; Klıent jańa jáne damyp kele jatqan tehnologııalar sııaqty jańa, sondaı-aq is júzinde bar ónimderge berýdiń jańa mehanızmderin qosa alǵanda jańa ónimderdi jáne jańa iskerlik tájirıbeni paıdalanǵan; klıent qarjy monıtorıngi rásimderinen jaltarýǵa baǵyttalǵan is-qımyl jasaǵan; klıent operasııalary buryn kúdikti dep tanylǵan; AJ/TQ-nyń joǵary táýekelimen baılanysty klıent týraly ózge aqparat bolǵan jaǵdaıda; 3) operasııalar: qolma-qol esep aıyrysýdy qosa alǵanda, jasyryn bank shottarymen nemese jasyryn, oılap tabylǵan esimderdi paıdalanýmen baılanysty; aıqyn ekonomıkalyq máni joq nemese anyq qoıylǵan zańdy maqsaty joq; klıentke tán emes jıilikpen júrgizilgen; erekshe iri somaǵa júrgizilgen; AJ/TQ-nyń joǵary táýekeli týraly aqparat bar bolǵan jaǵdaıda beriledi. Eskertpe. AJ/TQ táýekeliniń joǵary deńgeıi berilgen klıentterge Zańnyń 5-baby 7-tarmaǵyna sáıkes klıentterdi tıisinshe tekserýdiń kúsheıtilgen sharalary qoldanylady. 18. AJ/TQ táýekelin basqarý baǵdarlamasynda táýekeldiń tómen deńgeıi: 1) mynadaı: Zańnyń 4-tarmaǵynyń 4-tarmaqshasyna sáıkes FATF usynystaryn oryndamaıtyn jáne (nemese) jetkilikti oryndamaıtyn memleketter (aýmaqtar) tizbesine enbegen; jemqorlyq nemese ózge qylmystyq áreketteri tómen deńgeıdegi memleketten (aýmaqtan) kelgen jeke jáne zańdy tulǵalardyń iskerlik qatynastary men mámilelerine; 2) klıentke eger klıent: qarjy mekemesi – qarjy monıtorıngi sý­bektisi bolǵan jáne sońǵy bir jylda AJ/TQQ týraly zańnamany saqtamaǵany úshin ákimshilik jaýapkershilikke tartylmaǵan jaǵdaıda; Qazaqstan Respýblıkasynyń memlekettik organy bolyp tabylǵanda; Qor bırjada tirkelgen uıym bolyp tabyl­ǵanda; 3) mynadaı: memlekettik qyzmetshilerdiń múlikti (kom­mersııalyq uıymdardyń jarǵylyq kapı­talyndaǵy úlesterdi, aksııalardy jáne ózge múlikti, sonymen qatar jaldaýǵa berilgen múlikti) senimgerlikpen basqarýǵa berý boıynsha; múlikti paıdalaný tártibi týraly shartty kýálandyrýmen baılanysty operasııalarǵa beriledi. AJ/TQ táýekeliniń tómen deńgeıi berilgen klıentterge AJ/TQQ týraly Zańnyń 5-baby 7-tarmaǵyna sáıkes klıentterdi tıisinshe tek­serýdiń jeńildetilgen sharalary qolda­nylady. 4. Klıentterdi sáıkestendirý baǵdarlamasy 19. Klıentterdi sáıkestendirý baǵdarlamasy Sýbektilerdiń klıent júzege asyrǵan operasııalardy qarjylandyrý kózi týraly málimetterdi qosa alǵanda, klıentter (olardyń ókili) jáne benefısıarlyq menshik ıeleri týraly buryn alynǵan málimetterdi anyqtaý, jańartý boıynsha is-sharalardy júrgizýi bolyp tabylady jáne: 1) Zańnyń 5-babynyń talaptaryna sáıkes klıentti (onyń ókilin) jáne benefısıarlyq menshik ıesin tıisinshe tekserý jónindegi sharalardy saqtaý; 2) Zańnyń 5-baby 3-tarmaǵynyń 6) tar­maq­shasyna sáıkes klıent (onyń ókili) jáne benefısıarlyq menshik ıesi týraly máli­metterdiń durystyǵyn tekserý; 3) Zańnyń 12-babyna sáıkes Terrorızmdi jáne ekstremızmdi qarjylandyrýmen baılanysty uıymdar men tulǵalardyń tizbesinde kózdelgendeı klıentke (onyń ókiline) jáne benefısıarlyq menshik ıesine qatysty olardyń terrorızmdi jáne ekstremızmdi qarjylandyrýmen baılanysy bolǵandyǵy nemese joqtyǵy; 4) Zańnyń 8-babynyń talaptaryna sáıkes klıenttiń sheteldik jarııa laýazymdy tulǵaǵa, onyń otbasy múshelerine jáne jaqyn týystaryna jatatynyn jáne (nemese) qatysy bolǵandyǵyn tekserý; 5) sáıkesinshe tirkeýi, turatyn jeri nemese ornalasqan jeri bar klıentterdi anyqtaý: FATF usynymdaryn oryndamaıtyn jáne (nemese) jetkilikti oryndamaıtyn memlekette (aýmaqta) ne Zańnyń 4-baby 4-tarmaǵynyń 4) tarmaqshasyna sáıkes kórsetilgen memlekette (kórsetilgen aýmaqta) tirkelgen banktegi shottardy paıdalanýshy; Buıryqpen bekitilgen offshorlyq aımaq­tarda; 6) boljamdalatyn maqsattar men iskerlik qatynastar sıpatyn belgileý. Eskertpe: AJ/TQ táýekeliniń deńgeıi joǵary klıent úshin boljamdalatyn maqsattar men iskerlik qatynastar sıpatyn belgileý kezinde jasalatyn operasııalardyń qyzmet túri men qarjylandyrý kózi týraly qosymsha málimetter suratylady. AJ/TQ táýekeliniń deńgeıi tómen klıent úshin boljamdalatyn maqsattar men isker­lik qatynastar sıpatyn belgileý klıent operasııalarynyń sıpaty negiznde anyqtalady. 7) táýekelderdi basqarý baǵdarlamasyna sáıkes klıentti tıisinshe tekserý boıynsha berilgen táýekel deńgeıine qaraı klıentke shara qoldaný; 8) klıentterdi sáıkestendirý nátıjeleri boıynsha alynǵan málimetterdi klıent (onyń ókili) jáne benefısıarlyq menshik ıesi týraly sáıkestendirý málimetteriniń ózgerýine qaraı, alaıda jylyna keminde bir ret jańartý rásimderin qamtıdy. AJ/TQ táýekeliniń deńgeıi joǵary klıent (onyń ókili) jáne benefısıarlyq menshik ıesi týraly málimetterdi jańartý kem degende jarty jylda bir ret júzege asyrylady. AJ/TQ táýekeliniń deńgeıi tómen klıent (onyń ókili) jáne benefısıarlyq menshik ıesi týraly málimetterdi jańartý kem degende eki jylda bir ret júzege asyrylady. Klıentke iskerlik qatynastardy ornatýdan jáne aqshamen jáne (nemese) ózge múlikpen operasııa jasaýdan bas tartylǵan jaǵdaıda, Zańnyń 5-baby 3-tarmaǵynyń 1), 2), 2-1), 4) jáne 6) tarmaqshalarynda kózdelgen sharalardy qabyldaý múmkin bolmaǵan jaǵdaıda, Sýbektiler ýákiletti organǵa osyndaı bas tartý faktisi týraly QM-1 nysany boıynsha habarlama jiberedi. Zańnyń 5-baby 3-tarmaǵynyń 6) tarmaq­shasynda kózdelgen sharalardy qabyldaý múmkin bolmaǵan jaǵdaıda, sondaı-aq klıent jasaıtyn operasııalardy zerdeleý prosesinde klıent iskerlik qatynastardy AJ/TQ maqsatynda paıdalanady degen kúdik týyndaǵan jaǵdaıda, Sýbektiler klıentpen iskerlik qatynastardy toqtatady. Eger iskerlik qatynastar joǵaryda kórsetilgen negizder boıynsha toqtatylsa, Sýbektiler ýákiletti organǵa QM-1 nysany boıynsha habarlama jiberedi. 5. Klıentterdiń kúrdeli, erekshe iri jáne basqa da erekshe operasııalaryn zerdeleýdi qosa alǵanda, klıentterdiń operasııalaryna monıtorıng júrgizý jáne olardy zerdeleý baǵdarlamasy 20. Sýbektiler mynadaı operasııalardy anyqtaýdy qamtıtyn, klıentterdiń kúrdeli, erekshe iri jáne basqa da erekshe operasııalaryn zerdeleýdi qosa alǵanda, klıentterdiń operasııalaryna monıtorıng júrgizý jáne olardy zerdeleý baǵdarlamasyn ázirleıdi: 1) Zańnyń 4-babynyń 1 jáne 2-tarmaqtarynda kórsetilgen; 2) Zańnyń 4-babynyń 3-tarmaǵynda kórse­tilgen; 3) Zańnyń 4-babynyń 4-tarmaǵynda kórse­tilgen. 21. Sýbekt klıentke AJ/TQ táýekeliniń joǵary deńgeıin bergen jaǵdaıda, josparlanǵan nemese júrgizilgen operasııalardyń sebepterin anyqtaý maqsatynda klıenttiń atalǵan Sýbektide ótkizilgen barlyq operasııalardy qosymsha zerdeleıdi jáne tekserýdi talap etetin operasııalardyń sıpatyn anyqtaıdy. Sýbekt klıentke AJ/TQ táýekeliniń tómen deńgeıin bergen jaǵdaıda klıenttiń aǵymdaǵy operasııasyn zerdeleıdi. 22. Klıentterdiń operasııalaryna monıtorıng júrgizý jáne olardy zerdeleý baǵdarlamasyn iske asyrý aıasynda alynǵan málimetter qujattyq tirkeledi jáne klıenttiń dereknamasyna engiziledi. 23. Zańnyń 4-baby 1, 2 jáne 3-tarmaqtarynda kórsetilgen klıenttiń anyqtalǵan operasııalary týraly málimetter men aqparattar ýákiletti organǵa QM-1 nysany boıynsha usynylady. 24. Sýbektiler mindetti zerdeleýge jatatyn operasııalar týraly habarlamany osyndaı operasııa kúdikti retinde tanylǵan kúnnen keıingi kelesi jumys kúninen keshiktirmeı ýákiletti organǵa usynady. 6. AJ/TQQ máselesi boıynsha daıarlaý jáne oqytý baǵdarlamasy 25. AJ/TQQ máselesi boıynsha daıarlaý jáne oqytý baǵdarlamasy Normatıvtik quqyqtyq aktilerdi memlekettik tirkeý tiziliminde № 10001 bolyp tirkelgen «Qarjy monıtorıngi sýbektilerin jumyskerlerdi daıarlaý jáne oqytý boıynsha qoıylatyn talaptardy bekitý týraly» Qazaqstan Respýblıkasy Qarjy mınıstriniń 2014 jylǵy 28 qarashadaǵy № 533 buıryǵymen bekitilgen jumyskerlerdi daıarlaý jáne oqytý jóninde qoıylatyn talaptarǵa sáıkes ázirlenedi. Buıryq Qazaqstan Respýblıkasynyń Ádilet mınıstrliginde 2016 jylǵy 5 mamyrda Normatıvtik quqyqtyq kesimderdi memlekettik tirkeýdiń tizilimine №13688 bolyp engizildi.