«Olganyń oljasy oıymyzdan shyqty»

Keshe tańerteń jeńil atlet Olga Rypakova Rıo tórinde úsh qarǵyp sekirýden qola medal jeńip alǵan boıda onyń О́skemende turatyn týystaryn izdestirdik. Birden taýyp alǵanymyz oljaly qyzymyzdyń týǵan sińlisi Lıýdmıla Alekseeva boldy. – Lıýda, sálemetsiz be? Olga­nyń qola júldesi qutty bolsyn! – Rahmet! – Ápkeńiz Rıo Olımpıadasyna qandaı senimmen attandy? Qaı tuǵyrdan kórinetinin aldyn ala bildi me? – Olıa qaı mejeden kórinetinin bilmese de, júldeger bolatynyn, medal alatynyn anyq bildi. О́ıt­keni, Olımpıadaǵa jaqsy kóńil kúı­men, tas-túıin attandy. Árıne, sport­shynyń barlyǵy altynǵa umty­lady. Olga bul joly «qolaǵa» ıe boldy. О́te qýanyshtymyn. Negizi, bul suraqty elge kelgeninde jattyq­ty­rý­shysyna qoıýlaryńyz kerek shyǵar. – Jattyqtyrýshysy ákesi ekenin bilemiz. Úıde áldeqandaı da bir boljamdar bolǵan shyǵar? – Iá, Olganyń bapkeri tý­ǵan ákesi – Sergeı Dmıtrıevıch Alek­seev. Úıde boljamdar boldy ma, bilmeımin, esimde joq. Negizi, naqty boljamǵa arqa súıegen joqpyz. «Altyn medal alamyz» dep te aıtpadyq. Júldeni oılamaýǵa bekindik. Ákemiz boljam jasaǵandy unatpaıdy. Ol tek jumys isteıdi. Boljam jasaý durys nárse emes. О́ıtkeni, sportty boljaý múmkin de emes. – «Qolany» qomsynǵan joqsyz­dar ma? – Men rızamyn. Olga joǵa­ry deńgeıde óner kórsetti. Qarsy­las­tary óte myqty boldy. Nege «altyn medal almady» degenge kelsek, bul – Olganyń qateligi emes. Ol ózine júktelgen barlyq mindetti jaqsy atqardy. Básekeni kórgende, ásirese, fınalǵa kelgende, qarsylastarynyń óte qýatty ekenin baıqadyq, sondyq­tan qatty qobaljý boldy. Biraq, túp­tep kelgende, úshtikke endi. Et jaqyn­daryna Rıo Oıyndary London Olımpıadasynan kem soqqan joq. Sózsiz qýanyshtymyz. Bul – óte kúrdeli kúrespen kelgen medal! Olganyń Londonnan keıingi úzilisin esepke alǵanda, bul júldeniń bási bıik ekeni daýsyz. Búginde ol eki bala tárbıelep otyr. Olımpıadadan keıin otbasyna da kóńil bóldi, jattyǵýǵa da ýaqyt tapty. Jattyǵýyn oıdaǵydaı atqardy. Onyń nátıjesin Rıo tórinen kórdińizder. – Olganyń ónerin qaıdan kórdińizder? – Tańerteń erte teledıdardan tikeleı kórsetilim bolǵandyqtan, bárimiz birge úıde tamashaladyq. Anamyz, men, Olıanyń kishi uly bar – úsheýmiz kórdik. Qatty qobal­jydyq ta, qýandyq ta. Bul tamasha nátıje boldy. Qatarynan eki ret Olımpıada medaldaryn enshileý degenińiz óte ǵajap qoı! Álbette, Olga óziniń daıyndyǵyna sendi. Tipti qarsylastary týraly, olardyń nátıjeleri jóninde oılamady. О́ziniń kóńil kúıi men barlyq oı júıesin qımyly men sekirýine arnady. Osylaı bolǵanyna sendik. Aqtyq básekede aldyńǵy nátıjeleri sál kemshindeý bolǵasyn, qatty ýaıymdadyq. О́ziniń joǵary upaıyn enshilep, qola medal alatyny belgili bolǵanda ǵana tynysymyz keńip sala berdi. Anam qýanǵannan kúle berdi. Bárimiz qýandyq. О́ıtkeni, Olga Olımpıada tuǵyrynda qaldy. Bizge arada sekýndtar ótpeı jatyp, quttyqtaǵan qońyraýlar men sms-ter kele bastady. – Siz de sportshysyz ba? – Joq. Densaýlyǵym kelmeı­tindikten, sportpen shuǵyldanǵan emespin. – Olgaǵa sporttyq daryn áke jaǵynan keldi me, álde sheshesi de bul salaǵa beıim be? – Ákemiz sportpen shuǵyldan­ǵanyn, sportshylardy tárbıelegenin aıttym. Anamyzdyń tabıǵatynda da sporttyq minez-qulyq bar.  Eń aldymen, adamnyń tabıǵatynda qabilet bolýy tıis. Sonan soń sporttyq sapa, tózimdilik, shydamdylyq, jeńiske qushtarlyq syndy qasıetterdi meńgerý úshin tastaı tártip kerek. Tártip bolmasa, talantty qajetti maqsatqa jumsaı almaýyń múmkin. Mine, Olgadan osynyń barlyǵy tabyldy. Ol kerek kezde óziniń barsha qabilet-qýatyn bir maqsatqa jumyldyra alady. Sportta da, ómirde de óte jaýapty. Osy qasıeti Olgany alǵa jetelep keledi. – Áńgimeńizge rahmet. Olım­pıada júldesimen taǵy da qut­tyq­taımyz! Áńgimelesken Dýman ANASh, «Egemen Qazaqstan» О́SKEMEN