UIB Ýnıversıtetinde DSU-nyń semınarlar serııasy ótedi

UIB Ýnıversıteti Dúnıejúzilik saýda uıymynyń RTCP (saýda saıasaty boıynsha aımaqtyq kýrs) úshin akademııalyq seriktes bolyp bekitildi. Bul ýnıversıtetke álemniń 30 eli úkimetteriniń ókilderine arnalǵan semınarlardyń tórtjyldyq serııasyn uıymdastyrýdyń aıryqsha quqyǵyn beredi. Jyl saıyn DSU Almatydaǵy Halyqaralyq bıznes ýnıversıtetinde joǵary laýazymdy tulǵalarǵa  2 aılyq semınarlar ótkizedi. UIB Ýnıversıtetiniń qol jet­kizgen jetistigi – árıne atap aıtýǵa turarlyq. Dúnıejúzilik saýda uıymyna múshe bolýdyń birinshi jyly ishinde Qazaqstan endi óte mańyzdy ári yqpaldy semınarlar júrgizbek. Sonyń nátıjesinde 30 eldiń top-menedjerleri uıym jumysymen jáne onyń pro­­­se­dýralarymen tanysý múm­kin­digine ıe bolady. Semınarǵa qatysýshylar Almatynyń jáne Qazaqstannyń tájirıbesimen tany­sýǵa, jergilikti turǵyndardyń qonaqjaılyly­ǵyn baǵalaý jáne Elbasynyń basshy­ly­ǵymen res­pýblıkamyzdyń q­a­rysh­tap da­mýy­nyń mán-ja­ıyna qanyǵady. Bul Qazaqstannyń akademııalyq bir­lestigine de paıdasyn tıgi­zedi. О́ıtkeni, qonaqtar men qabyl­daý­shy ýnıversıtet arasynda bilimmen jáne tájirıbemen almasý maqsatynda semı­narlardy je­tekshi joǵary oqý oryndarynyń qabyrǵalarynda da uıymdastyrý uıǵarylyp otyr. DSU úzdik stýdenttermen qatar, joǵary bilikti jáne tájirıbeli nusqaýshylardy tartady. Olar Qazaqstanǵa kelip jahandyq saýda uıymyna birigý týraly ózderiniń mol tájirıbesimen bólisedi. Sondaı-aq, DSU-ǵa árbir qatysýshy el úshin úrdisterdiń áseri jóninde túsindirme  jáne málimet beredi. Halyqaralyq bıznes ýnı­ver­sıteti básekelesýshi elder men olardyń tańdaýly ýnı­ver­­sı­tetteriniń úlken toby ara­synan tańdaldy. Bul álbette Qazaq­­stannyń qarqyndy damýyn halyqaralyq deńgeıde baǵa­lanǵandyǵyn rastaıdy. Buǵan qosa UIB-diń bızneste jáne jo­ǵary bilimniń ekonomıkalyq sa­lasyndaǵy kóshbasshylyǵyn kór­setedi. Árbir semınar kezinde shaqyrylǵan DSU lektorlary UIB bilimi keńistigin keńeıte otyryp, ýnıversıtettiń qyzmetkerlerimen jáne stýdentterimen tájirıbe bólisedi. Osy arada ýnıversıtettiń Eýrazııalyq ekonomıkalyq odaqqa baılanysty arnaıy pán júrgizý boıynsha alǵashqy bolǵanyn da atap ótý kerek. Endi UIB stýdentterge Qazaqstan Respýblıkasynyń aldaǵy kezde damýyna halyqaralyq ekonomıkalyq birigýdiń áseri týraly ozyq bilimdi berýge umtylýda. Kelissózder barysynda DSU tıimdi baılanystyń qalyptasýyna múddeli boldy. Al óz kezeginde UIB ekonomıkalyq birigý máselesine zor kóńil bóletin ǵylymı-zert­teý ortalyǵyn jetildire bermek. Barlyq dárejeler spektri (bakalavrıattyń 17 mamandyǵy, olardyń 4-eýi eksperımenttik jáne ýltra qazirgi baǵdarlama bolyp tabylady; 11 magıstratýra; MVA jáne 3 PhD) bo­­ıyn­sha arnaıy pánderdi damytý jáne ǵylymı-zertteý ju­mysy bo­ıyn­sha semınarlar óte­di. Yn­ty­maq­tas­tyq negizinde UIB oqy­tý­shy­lary aýqym­dy transult­tyq zert­teý jobalaryna qosylýy múm­kin. Osylaısha álemdik mańyz­ǵa ıe eko­no­mıkalyq zertteýlerdiń jahan­dyq jelisine jete alady. UIB stý­dent­teri aýdı­torııa­lar men dáliz­derdi 30 el úki­meti­niń joǵary qyz­met­tegi ókilderimen bólisip, DSU jetek­shi mamandarynyń semınarlaryna qatysý múmkindigi ashylady. Nátı­jesinde UIB professorlyq-oqytý­shy­lyq quramy halyqaralyq ekono­mıka, ekonomıkalyq dıplomatııa, saý­dalyq birigý týraly bilimderin ke­ńeı­tip, ǵylymı zertteýdiń úlken múmkindikterin qoldana alady. Halyqaralyq bıznes ýnıver­sıteti úshin bul laıyqty qur­met. Jáne de onyń quzyretin halyq­aralyq moıyndaý bolyp tabylady. Oqý orny birneshe halyq­aralyq akademııalyq ak­kredıtteýdi sátti eńsermek. 6 bakalavrıat, 5 magıs­tratýra deńgeıinde (AQ Austria) jáne reıtıngterde aldyńǵy orynnan  kóriný mindeti tur. UIB áleýetti stýdentterge, olardyń ata-analaryna, demeýshilerge, sondaı-aq retteýshi ınstıtýttar men jekelegen tulǵalarǵa, bıznes-qaýym­dastyqtarǵa belsendilik tany­tady dep senedi. Básekege qabi­let­tiliktiń jáne halyqaralyq deń­­geı­diń Qazaqstandaǵy joǵary bilim berýdiń memlekettik emes sektorynda óskendigin baıqatady. Halyqaralyq bıznes ýnıversıteti órshil, joǵary bilikti mamandar daıarlaýda barlyq múmkindikti paıdalana bermek. UIB DSU semınarlarynyń bedeldi serııasyndaǵy jeńisine Qa­zaqstan Respýblıkasynyń Shveı­­sarııadaǵy elshisi J.Aıt­janova­nyń, sondaı-aq saýda saıasatyn damytý ortalyǵyndaǵy qazaq­stan­dyq bilikti mamandardyń qoldaýy arqasynda qol jetkizdi. Halyqara­lyq bıznes ýnıversıteti olarǵa atqarǵan eńbekteri úshin alǵys bildiredi. Biz DSU-nyń birinshi komandasy bolyp tabylatyn 30 eldiń joǵary deńgeıli stýdentterin qabyldaýǵa jáne DSU-UIB bedeld­i seriktestiginiń aldaǵy 4 jy­ly ishinde álemge Qazaqstandy laıyq­ty tanytýǵa daıynbyz. Marsın DÝShINSKI, UIB ýnıversıtetiniń vıse-prezıdenti