Álemdegi eń tynysh bólme

Microsoft kompanııasy jasaǵan bólme álemdegi eń tynysh bólme retinde Gınnestiń rekordtar ki­tabyna tirkelgen bolatyn. The Business Insider halyqaralyq ba­sylymynyń jýrnalısi Mett Vaın­berger osy bólmege kirip, óli tynyshtyqta adamnyń qandaı kúı keshetinin óz basynan ótkizipti. – Bólme kompanııa ǵımarat­tarynyń birinde or­na­las­qan eken. Esik jabylǵannan keıin naǵyz óli ty­­nysh­tyq ornady. Eshqandaı dybys estilmeıdi, tipti, óz daýysyńdy da estimeısiń. Sebebi, ból­me­niń qa­byr­ǵalary kez kelgen dybysty jutyp qo­ıa­tyn­­­daı etip jasalǵan. Birneshe mınýttan keıin men esim aýy­sa bastaǵandaı kúı keshtim. Tepe-teńdigi­m­nen aıy­ry­lyp, qulap qalýǵa shaq qaldym, – deıdi jýrnalıst. Microsoft álemdegi eń tynysh bólmeni túrli zertteý jumys­tary úshin, sondaı-aq, ózderi shyǵaratyn planshet, noýtbýkterdiń akýstıkalyq júıesin jaq­sartý maqsatynda jasaǵan. Skype arqyly sóıles­kende qorshaǵan ortanyń shýyn azaıtyp, daýys sapa­syn arttyrýǵa da osy bólmeni paıdalanypty. Ból­me esigi jabylǵannan keıin ishte estiletin eń qat­ty degen dybystyń ózi eki molekýlanyń bir-biri­men so­ǵyl­ǵan­da shyǵaratyn dybysynan aspaıtyn kórinedi. Nurhan ASQAR