Keshe atalǵan ushaqtar Irandaǵy Hamadan aerodromynan ushyp shyǵyp, Sırııadaǵy ıslamshylarǵa soqqy bergen. Shabýylǵa Reseıde tyıym salynǵan «Islam memleketi» jáne «Djabhat an-Nýsra» terrorlyq toptarynyń nysandary ushyraǵan. Atalǵan toptar Sırııanyń Aleppo, Deır-áz-Zor jáne Idlıb provınsııalarynda oryn tepken eken. Soqqy berý nátıjesinde qarý-jaraq jáne oq-dári men janar-jaǵarmaı materıaldary saqtalǵan bes iri qoıma, jasaqtar daıyndaıtyn lager, sondaı-aq, birqatar terrorshylardyń kózi joıylǵan. Qatynasty qalpyna keltirmek Reseı prezıdenti Vladımır Pýtın Túrkııamen tolyqqandy qarym-qatynasty qalpyna keltirý tilegi bar ekenin málimdedi. Bul jóninde «Interfaks» habarlady. «Biz Túrkııamen, uzaq jyldar boıy tamasha yntymaqtastyq qarym-qatynastar qalyptasqan elmen tolyqqandy qarym-qatynas qalyptastyrýǵa shyn nıetten umtylýdamyz», dedi Reseı basshysy. Onyń sózine qaraǵanda, Túrkııa prezıdenti Redjep Taıyp Erdoǵannyń Reseıge jaqyndaǵy sapary taraptardyń burynǵy baılanystardy qalpyna keltirýge degen umtylysyn baıqatady. Bul týraly V.Pýtın Qazaqstan Prezıdenti Nursultan Nazarbaevpen Sochıdegi kezdesýi aldynda málimdedi.
Bas hatshyny kim almastyrady? BUU Bas hatshysy Pan Gı Mýn ózin bas uıym basshylyǵynda áıel adam almastyrǵanyn qalaıtynyn bildirdi. Bul týraly «The Guardian» habarlady. «Biz kóptegen kórnekti áıel kóshbasshylardy bilemiz. Olar úkimetterde, bızneste, saıasatta, mádenıette, bir sózben aıtqanda, ómirdiń barlyq salasynda tabysty eńbek etedi», dedi Pan Gı Mýn. Bas hatshynyń paıymynsha, áıelderge BUU basqarýǵa kedergi bolatyn eshqandaı da sebep joq. Árıne, álemdegi bas uıymnyń basyna kimniń keletinin oǵan múshe memleketter sheshetin bolady. Dástúr boıynsha, BUU-nyń Bas hatshysy álemniń túrli óńirlerinen rotasııa qaǵıdatyna sáıkes saılanady. Bul laýazymdy buǵan deıin Azııa, Afrıka, Latyn Amerıkasy jáne Batys Eýropa elderiniń ókilderi atqarǵany belgili. Al Pan Gı Mýnnyń ókilettigi osy jyly aıaqtalady.
Qysqa qaıyryp aıtqanda: * Qytaıdyń Shyńjań-Uıǵyr avtonomııaly aýdanynda jańa temirjol vokzaly resmı túrde ashyldy. Aýmaǵy 100 myń sharshy shaqyrymdy quraıtyn 3 qabatty termınal óńirdegi eń irisi bolyp tabylady jáne saǵatyna 8 200 jolaýshyny qabyldaýǵa qabiletti. Memlekettik dýma tóraǵasynyń orynbasary Igor Lebedev sheteldikterdiń Reseıdiń búkil aýmaqtaryndaǵy mektepterinde muǵalim, jolaýshylar kóliginde júrgizýshi bolyp jumys isteýlerine tyıym salý kerek degen bastama kóterdi. Onyń pikirinshe, bul bastama el azamattarynyń múddesin qorǵaıtyn bolady.
Ýkraınalyq ánshi Djamaldyń gonorary «Evrovıdenıe-2016»-daǵy jeńisinen keıin bes esege ósken. Eger jyl basynda onyń konserti shamamen 5 myń dollar dep baǵalansa, búginde jáı kúnderi – 20 myń, mereke kúnderi 25 myń eýroǵa jetip otyr eken. * Japonııanyń «All Nippon Airways» áýe kompanııasy jolaýshylar ushaǵynyń áýege kóterilýge áreket jasaǵan kezde qozǵaltqyshy jarylyp ketti. Ushaq kóp jolaýshy alyp usha alatyn «Boıng-787-800» kórinedi. Onyń bortynda 240 adam bolǵan. Shanhaıǵa bet almaq eken. Eshkim zardap shekpepti.
Málimdemeniń de málimdemesi bar Qytaı Halyq Respýblıkasynyń syrtqy ister mınıstrligi BUU-nyń Adam quqyqtary jónindegi keńesiniń málimdemesine sheshimdi túrde narazylyq bildirdi. Atalǵan uıymnyń adam quqy jónindegi sarapshylary jaqynda Qytaı tarapynan osy eldiń azamaty Iаn Maodýndy qamaýdan bosatýdy talap etken bolatyn. Osyǵan oraı QHR SIM-iniń ókili Hýa Chýnın BUU-nyń Adam quqyqtary jónindegi keńesiniń málimdemesin jaýapkershiliksiz málimdeme dep atady. Onyń ustanymynsha, jalǵan aqparatqa negizdelgen málimdeme Qytaıdyń ishki isi men sot isine aralasý bolyp tabylady. Al qamaýda otyrǵan azamat óziniń memleketke qarsy is-áreketi úshin oryndy jazalanǵan. Ony bosatý, ne bosatpaý, Qytaı bıliginiń quzyrynda.
Birikken ásker qurý nıetinde Reseı men Armenııa birikken áskerı top qurý týraly kelisimge qol qoımaq. Mundaı málimdemeni Reseı qorǵanys mınıstriniń orynbasary Anatolıı Antonov jasady. Bul týraly Reseı áskerı vedomstvosynyń saıty habarlady. A.Antonovtyń atap ótýinshe, taraptar qazirdiń ózinde ózara is-qımyldyń tetikterin úılestirip úlgergen. «Qaýipsizdik salasy boıynsha qabyldanǵan sheshimderdiń tıimdi jumys isteıtinine senim mol. Endi osyǵan sáıkes birlesken áskerı josparlaý júzege asyrylýda», deıdi reseılik áskerı laýazym ıesi. Sondaı-aq, Reseı Armenııany Zakavkazedegi sheshýshi áriptes retinde qarastyryp otyr eken.
Alǵashqy kvantty baılanys spýtnıgi Qytaı álemdegi alǵashqy kvantty baılanys Jer serigin tabysty ushyrdy. «Long Naých-2D» zymyrany Astana ýaqytymen burnaǵy túngi saǵat 23.40-ta Szıýsıýan kosmodromynan aspan keńistigine kóterildi. Bul jóninde «Sınhýa» agenttigi habarlady. Salmaǵy 600 kılogramnan asatyn spýtnık 500 shaqyrym bıiktikte Jerdi aınalyp júretin bolady. Orbıtamen bir aınalym 90 mınýtty quraıdy. Onyń qyzmet etý merzimi eki jylǵa eseptelgen. Jer serigine bizdiń dáýirimizge deıingi V ǵasyrda ómir súrgen qytaı fılosofy jáne oqymystysy Mo-Szydyń aty berilipti. Ol adamzat tarıhynda tuńǵysh ret optıkalyq eksperımentter júrgizgen adam dep sanalady. Jer seriginiń baılanys qyzmeti san alýan.
Internet materıaldary negizinde ázirlendi
