KEShE...

...ALǴAShQY MILLION KIRPISh JО́NELTILDI Keramıkalyq kirpish shy­ǵa­ra­tyn jańa zaýyt óziniń al­ǵashqy 1 mıllıon dana ónimin tutynýshylarǵa jóneltti. Ká­siporyn joǵary suranystaǵy qurylys materıaldarynyń otyz­dan astam túrin daıyn­daý­ǵa mamandandyrylǵan. Údemeli ındýstrııalyq-ın­novasııalyq údemeli damý baǵ­darlamasy sheńberindegi jo­ba­nyń jalpy quny 6 mıllıard teń­geni quraıdy. Zaýyt dırek­tory Dnıl Galambestiń aı­týyn­sha, qazir kúnine 40 myń dana kirpish shyǵarylýda eken. Munyń ózi kásiporynnyń alda­ǵy eki aıda jobalyq qýatyna enetinin dáleldeıdi. Áıtken­men, ujym sanmen birge, sapa kórsetkishterin qatań baqy­laý­da ustaıtyn bolady. Mundaǵy kirpishtiń quny Reseıden tasy­maldanatyn ónimnen 10 teńgege arzan. Baqbergen AMALBEK. Kókshetaý. * * * ...BAǴDARLAMANYŃ ORYNDALÝY TALQYLANDY «Damý» qorynyń oblystyq fılıaly orta jáne shaǵyn bıznesti qoldaý maqsatymen júze­ge asyrylyp jatqan joba­lar­dyń ıgerilýin taǵy bir oı eleginen ótkizdi. Baǵdarlamaǵa  oblystan bes joba engizilip, aýyl sharýashy­lyǵy, ónerkásip, ónim óńdeý sa­lalaryn órkendetýge basym­dyq  berilip otyr. Bul maq­sat­tar úshin jarty mıllıard teń­geden astam qarjy bólinip, qarjylandyrý máselesimen «Sentrkredıtbanktiń» jáne «Eýrazııabanktiń» jergilikti bó­limsheleri aınalysady. As­tyq, un, et, sút ónimderin óń­deý­men shuǵyldanatyn  «Sol­tús­tik Esil astyq», «Molservıs», «Tortýmanov» sekildi seriktestikter qoldaýǵa  ıe bolsa, olardyń  qazirgi qadamdary qýantarlyq. О́mir ESQALI. Soltústik Qazaqstan oblysy. * * * ...«AÝǴANDYQTAR» RÝHY ARDAQTALDY Keńes áskerleriniń aýǵan elinen shyǵarylýyna 22 jyl tolýyna oraı keshe Jambyl oblysynyń ortalyǵyndaǵy ın­ternasıonalıst-jaýyn­ger­lerdiń eskertkishi qasynda sal­tanatty qurmet kórsetý rásimi bolyp ótti. Oǵan oblys ákiminiń birinshi orynbasary K.Kóki­rek­baev, «Ońtústik» óńirlik ás­kerı qolbasshysynyń tárbıe isi jónindegi orynbasary Erjan Sadyqov, qalalyq aýǵan soǵysy ardagerleri keńesiniń tóraǵasy  Sabyrjan Ábdi­keri­mov bastaǵan qala jurt­shylyǵy, mekeme basshylary, stýdentter jáne mektep oqý­shylary  kelip, qaza tapqan jaýyngerlerdi azaly únsiz­dik­pen eske aldy. Gúl shoqtaryn qoıdy. Taraz qalasy ákimdiginde oq pen ottyń ortasynan aman-esen oralǵan ınterna­sıona­lıst-jaýyngerler men qaza tapqandardyń ata-analaryna jáne jesirlerine baǵaly syılyqtar tapsyryldy. Kósemáli SÁTTIBAIULY. Taraz.