Alǵashqy otyrys

Qazaqstan Respýblıkasy Aqparat jáne kommýnıkasııalar mınıstrliginiń Qoǵamdyq keńesi salany damytýdyń ózekti máselelerin talqylady, dep habarlady Aqparat jáne kommýnıkasııalar mınıstrliginiń baspasóz qyzmeti. Keshe Qazaqstan Respýb­lı­ka­synyń Aqparat jáne kommýnıkasııalar mınıstrliginde mınıstr Dáýren Abaevtyń tóraǵalyǵymen Aqparat, aqparattyq kommýnıkasııalyq tehnologııalar jáne memlekettik qyzmet kórsetý salalaryn damytý máseleleri jónindegi Qoǵamdyq keńestiń alǵashqy otyrysy ótti. Bekitilgen kún tártibine sáıkes, daýys berý nátıjesinde Keńes­tiń tóraǵalyǵyna Parlament Máji­lisiniń depýtaty Qýanysh Sultanov, hatshy bolyp Aqparat jáne kommýnıkasııalar mınıstrliginiń Strategııalyq josparlaý departamenti dırektorynyń orynbasary Arhat Sádýaqasov saılandy. Sonymen qatar, otyrysta Qoǵamdyq keńes týraly ereje, «Sıfr­ly Qazaqstan» memlekettik baǵdar­lamasy, mınıstrliktiń strate­gııalyq jospary men 2016-2018 jyl­darǵa arnalǵan bıýdjettik baǵdar­lamalary, normatıvtik-quqyq­tyq aktilerdiń jobalary talqy­lanyp, maquldandy. Kezdesýdiń sońynda kelesi oty­rystyń kún tártibi bekitilip, budan keıingi keńesterdi BAQ-tyń qaty­sýymen «Qazmedıa ortalyǵy» bazasynda ótkizý jóninde sheshim qa­byldandy.