О́ndiris – órkendeý ózegi

Parlament Májilisiniń depýtaty, «Nur Otan» partııasy frak­sııa­synyń múshesi Baqytjan Ábdiraıym Qarataý qalasyndaǵy «Sho­laq­taý» ken ornynyń jumysymen tanysyp, eńbekkerlerimen júzdesti. Aımaqtaǵy ǵana emes, elimizdegi iri óndiris oshaqtarynyń biri sanalatyn «Qazfosfat» JShS-ne qarasty «Sholaqtaý» óndiris alańynda búginde 535 adam eńbek etip jatyr. «Qazfosfat» zaýyty jylyna 1 mln 744 myń tonna fosforıt shyǵaratyn bolsa, sonyń 40 paıyzyn osy ken orny beredi. Bıylǵy jyldyń jeti aıynda bul alyp kásiporyn memleket qazynasyna 1 mlrd teńge­den astam salyq tólepti. 2011-2015 jyldar aralyǵynda kásiporynǵa 2,5 mlrd teńge ınvestısııa quıylǵan. Osynyń arqasynda kóptegen jańa tehnıkalar alynyp, zaýyttyń qu­ral-jabdyqtary jańardy. Tarıhy sonaý 1946 jyldan bas­taý alatyn «Sholaqtaý» ken or­ny­nyń jumysy bir kún de toqtaǵan emes. Buryn fosforıt ashyq ádispen ón­diriletin bolsa, qazir 300 metr tereń­diktegi shahtadan qazyp alynady. Bul kásiporyndaǵy jumysshylardyń bar­lyǵy derlik jergilikti turǵyn­dar. Jumysshylardyń ortasha jalaqysy 93 myń teńgeni quraıdy. – Qazir elimizdegi óndiris oshaq­taryna memleket tarapynan úlken qoldaýlar bolyp jatyr, – dedi zaýyt jumysshylarymen júzdes­ken depýtat. – Sońǵy tehnologııa­lardy paıdalana otyryp, óndiris­ti jańa deńgeıge kóterý min­­deti kún tártibinen esh túsken emes. Kásip­oryn jumysynyń alǵa basýy, árıne, basshylarǵa da baılanysty. Degenmen de, sizderdiń qajyrly eńbekterińiz zaýyttyń damýyn jedeldete túsedi. Bul kúni B.Ábdiraıym «Nur Otan» partııasynyń fılıalynda jergilikti turǵyndardy qabyldap, aryz-shaǵymdaryn tyńdady. Aýdan turǵyndary bir kezderi zııandy sehtarda jumys istep, ýaqyt óte kele múgedek bolyp qalǵan ǵarip jan­dar­dyń muńyn, Qarataý qala­syn­­daǵy jol, kópqabatty turǵyn úı­ler­di jóndeý máselesin aıtty. Halyq qalaýlysy turǵyndardyń aryz-sha­ǵymyn muqııat tyńdap, bul máse­le­ler­di sheshý úshin tıisti oryndarǵa hat joldaıtynyn jetkizdi. Oralhan DÁÝIT, «Egemen Qazaqstan» Jambyl oblysy, Qarataý qalasy