Qundy qujat

Elbasynyń aǵymdaǵy jylǵy 28 qańtar kúngi Qazaqstan hal­qy­na arnaǵan Joldaýymen muqııat tanysyp shyqtym. Qart kóńilim Elbasy N.Á.Nazarbaev óziniń dástúrli Joldaýynda memleket bolashaǵy men ult bolyp uıy­sý­­dyń jańa joldaryn aı­qyn­dap otyr. Osyndaı qam­qor­lyq­ty qýa­­nyshpen qabyl­dadym, erteńge degen el senimi odan ári ornyqty dep oı­laımyn. Onyń da sebebi bar. Halqymyzdan «Erteńin oı­la­ǵan el – baqytty» degen dana sóz qalǵan. Mine, el erteńin oı­lap, ult qamyn jegen, búginde tú­bi bir túrki áleminiń asataıaǵyn qolyna alǵan Ult Kóshbasshysy Nursultan Nazarbaevtyń óz Jol­daýynda «Yrys – yntymaq­qa jolyǵady, dáýlet – birlikpen tolyǵady» degen oıǵa qonymdy ataly sózi jarqyn bolashaqqa bastap otyr. Bul – aq saqaldy qartyn qadirlep, aq jaýlyqty anasyn ardaqtaǵan, jastaryn bilimge tartyp, ultynyń den­saý­lyǵyn oılap, zamana kóshin bastaǵan, eliniń senimine berik ıe bolǵan Elbasynyń eren isi. Bıylǵy jyldyń basty saıası qujaty memleketimizdiń eń basty rýhanı qundylyǵy men tiregine aınalyp otyrǵan memlekettik til máselesine úlken nazar aýda­ryl­ǵanyna qýandym. О́ıtkeni, ǵa­syr­lar boıy ulty­men jasap kele jatqan qazaq tili – halyqtyń jany, ulttyń bolashaǵy, ata-baba rýhynyń jal­ǵasy dep bilemin. Sońǵy jyl­dary memlekettik tildi damytýǵa kóp kóńil bó­li­nýde. Sondaı-aq, elimizdi mekendeıtin túrli etnos ókilderi­niń de tilderine qamqorlyq jasalýda, jas­tarymyzdyń halyqara­lyq qa­ty­nas tiline aınalǵan aǵyl­shyn jáne orys tilin jetik meńgerýi týraly talap ta oryn­dy. Al, qazaq tilin meńgerýge um­tylǵan ózge ult ókilderiniń yn­ta-yqylastarynyń artqanyn kó­rip otyrmyz. Qazaq elin Ota­nym dep, bolashaǵyn bizdiń memleketimizben baılanystyrýǵa um­tyl­­ǵan ata-analardyń balala­ryn qazaq mektepteri men bala­baq­sha­laryna berip júrgenderin kózi­miz kórýde. Degenmen, oılanar tustar da joq emes. Sondyqtan, Elbasynyń Qa­zaq­stan halqyna arnaǵan bı­ylǵy Joldaýy talaptaryn bas­shylyq­qa alǵan el azamattary aldaǵy on jyldyqta mektep bitirýshilerdiń barlyǵy memlekettik tildi tolyq meńgeýge qol jetkizse, osy jyl­da­ry memlekettik tildiń qol­danys aıasy keńeıip, qazaq tili arqyly tatýlyq pen birlikke tireý bolarlyq qajettiliktiń arta túsetinine úlken senimmen qaraımyn. Tileýqabyl TО́REBEKOV, Jambyl oblysy ardagerler keńesiniń tóraǵasy, Jambyl oblysynyń  qurmetti azamaty,  soǵys jáne eńbek ardageri. Taraz.