Astana qalasyndaǵy «Áziret Sultan» meshiti jańa oqý jyly aldynda elordadaǵy áleýmettik jaǵdaıy tómen otbasylarǵa qýanysh syılady. Meshit ashylǵaly beri jelisi úzilmeı uıymdastyrylyp kele jatqan «Mektepke jol» aksııasy aıasynda bıyl da ótkizilip, bilim izdegen búldirshinderdiń talabyna qoldaý tanytty.
«Mektepke jol» aksııasy máresine jetip, «Áziret Sultan» meshitinde arnaıy tabystaý rásimi boldy. Astana qalasyndaǵy jaǵdaıy tómen, áleýmettik az qamtylǵan, kóp balaly, sondaı-aq asyraýshysynan aıyrylǵan otbasylarǵa kómek retinde uıymdastyrylǵan is-sharada 221 oqýshyǵa qajetti qural-jabdyqtar salynǵan sómke syıǵa berildi jáne mektep formasyn alý úshin qarjylaı kómek kórsetildi. Igi sharada sóz sóılegen «Áziret Sultan» meshitiniń bas ımamy Serikbaı Satybaldyuly Islam dinindegi oqý-bilimniń orny jaıly aıta kele, balalardy oqýda ozat bolýǵa shaqyrdy.
Bilimge qushtar jas búldirshinderge qýanyshyn sharyqtatyp, shattyqqa bólegen bul aksııada jalpy quny 3 757 000 teńge jumsaldy.
Aıan ÁBDÝÁLI
Foto: muslim.kz
