Voleıbol. Qazaqstan jarysqa Katardyń ornyna qatysady

Voleıboldan Qazaqstannyń ulttyq qurama komandasy 22-28 qyrkúıek kúnderi Taılandtyń Nakhonpathom qalasynda ótetin Azııa kýbogy týrnırine daıyndalyp jatyr. Bul týrnırge Qazaqstan quramasy Katar komandasynyń ornyna qatysady. Oǵan týrnırdiń erejesine sáıkes, byltyrǵy Azııa chempıonatynda alǵashqy 8 oryndy alǵan komandalar shaqyrylǵan bolatyn. Azııa dodasynda Katar 8-shi oryndy, al elimizdiń ulttyq quramasy 9-shy oryndy ıelengen edi.  Biraq, Katar eli týrnırge qatysýdan bas tartqan soń, voleıboldan Azııa Konfederasııasynyń (AVC) sheshimimen onyń ornyna Qazaqstan quramasy qatysatyn boldy. Azııa kýbogy týrnıri 2008 jyldan beri eki jylda bir ret ótkizilip keledi. Atalǵan týrnır sońǵy ret 2014 jyly Almatyda ótken bolatyn. Sol kezde otandastarymyz úshinshi oryndy ıelengen. Al bıylǵy synda elimizdiń bas komandasy  «A» tobynda Taıland, Qytaı jáne Qytaıdyń Taıpeı jasaqtarymen birge oınaıdy. Qazaqstan quramasy toptyq týrnırdegi matchtaryn birinen soń biri ótkizedi. Iаǵnı, 22 qyrkúıek kúni Qytaı komandasymen, 23 qyrkúıekte Qytaıdyń Taıpeımen, 24 qyrkúıekte Taılandpen kezdesedi. 26 qyrkúıekte shırek fınal, kelesi kúni jartylaı fınal bolady. Al fınal 28 qyrkúıekte ótedi. Dastan KENJALIN Foto: Qazaqstan voleıbol federasııasy