Túrkııada toıda terakt jasaýshy 14-ke tolmaǵan jasóspirim eken

Túrkııa prezıdenti Redjep Taııp Erdoǵan eldiń tústigindegi Gazıantep qalasynda jarylys jasaǵan jankeshtiniń 12-14 jas aralyǵyndaǵy jasóspirim bolyp shyqqanyn habarlady. «Frans Press» aqparat agenttigi memleket basshysynyń sondaı-aq jarylǵysh qondyrǵyny ne jankeshtiniń ózi, ne janyndaǵy áldekim qosqanyn atap ótkenin jazady. Ol aldyn ala málimet boıynsha, muny uıymdastyrǵan «Islam memleketi» terrorlyq tobyrynyń sodyrlary ekenin taǵy qaıtalady. Erdoǵan jarylys saldarynan 51 adamnyń qaza taýyp, 69 adamnyń zardap shekkenderin, bulardyń 17-si aýyr halde jatqandaryn atap ótti. Budan buryn aldymen 30, keıinirek 50 adamnyń qaza tapqany, 94 adamnyń jaraqat alǵandary týraly aqpar taratylyp edi. Shabýyl senbiden jeksenbige qaraǵan túni toıdyń ústinde jasalǵan. Polıseıler keıin oqıǵa ornynan terrorshy-jankeshtiniń kemerin taýyp alǵan. Murat AITQOJA