Tıimdiligi zor qyzmet

Elimizde jyl saıyn sotqa shaǵymdanýshylardyń sany jyl saıyn artyp keledi. Osyǵan oraı «Sot kabıneti» qyzmeti ashylǵan bolatyn. Jyl basynan beri, máselen, beri Astana qalasynyń «sot kabınetine» 32 myńnan astam aryz-shaǵym, eki jarym myńǵa jýyq ótinish tústi. Bul týraly Astana qalasyndaǵy «Sot organdarynyń zamanaýı aqparattyq tehnologııalar» taqyryby aıasynda ótken dóńgelek ústelde aıtyldy.Al, munda «Sot kabıneti» qyzmeti 2014 jyldyń ortasynan bastap iske qosylǵan. Onda taraptar úıden shyqpaı-aq, sotqa aryz-shaǵymdaryn, ótinishterin joldaı alady. Elektrondyq júıe arqyly 8 qyzmet túrin alýǵa bolady. Bul týraly «Astana qalasy boıynsha Sottar ákimshisi» RMM basshysynyń mindetin atqarýshy Aıbol Ibragımov bylaı deıdi: «Sot kabıneti» halyqqa yńǵaıly ári tıimdi. Bul – qaǵazbastylyqtan qutylýdyń birden-bir joly. Atalǵan servıstiń negizgi ereksheligi kez kelgen azamat ınternet jelisi arqyly sotqa talap-aryzdar men ótinishterin tapsyryp ǵana qoımaı, sottyń qaraý merzimderin baqylaýǵa múmkindikteri bar». Sóıtip dóńgelek ústel barysynda elimizdiń sot júıesine engizilgen zamanaýı tehnologııalardyń erekshelikteri talqylanyp, halyqtyń quqyqtyq saýattylyǵyn arttyrýǵa basa nazar aýdaryldy. Bul sot isin júrgizýdi jeńildetýge, sot tóreliginiń qoljetimdiligin, aıqyndylyǵyn jáne ashyqtyǵyn arttyrýǵa serpin bereri sózsiz. Aıman MUQYShEVA