Joǵalǵandar kóbeıip barady

Qazaqstanda jyl basynan beri 1823 adam joǵalǵan. Sonyń 323-i áli izdestirilip jatyr. Salystyrý úshin aıtsaq, 2015 jyly joǵalyp ketken 2992 azamattyń 468-i sol beti tabylmaǵan.Bul týraly Ishki ister mınıstrliginiń  baspasóz qyzmeti habarlady. Elimizde kóbine er adamdar joǵalady eken. Tártip saqshylary olardyń basqa aımaqtarǵa qyzmettik is-saparlarǵa, ýaqytsha jəne merzimdik jumystarǵa ketkende, ártúrli reısterde kólik jəne júkterdi tasymaldaýǵa shyqqanda qaıtyp oralmaı jatatyndyǵyn aıtady. Sondaı-aq, Ishki ister mınıstrligi, kóbine ishimdikke salynǵan otbasylardyń balalary joǵalatynyn alǵa tartady. Ata-analar balalarynan qalaı aıyrylyp qalǵanyn der kezinde bilmeı de qalady. Balalar nashar baǵa alǵany úshin ata-analarynan jasyrynady, mektepten úıine oralmaıdy. Al, áleýmettik jeliniń yǵyna ilikken, kámeletke tolmaǵan jastar qylmysqa urynyp jatady. Sol sııaqty jastar tanysý saıty arqyly kezdesýge jıi barady, al ata-analary bolsa balalarynyń kimmen aralasyp júrgendigine jiti mán bermeıdi. Mine, osyndaı keleńsizdikter kesiri aqyry jastardyń joǵalýyna, qylmysqa urynýyna soqtyrady. Aıman MUQYShEVA